’n Letterkas is ’n laai met vakkies waarin letters tradisioneel in die drukkuns gestoor is. Dit is in die volksmond ook bekend as ’n printer's tray in Engels.

’n Bok met ’n oopstaande letterkas.

Ná die uitvinding van die boekdrukkuns was daar twee verskillende letterkaste: die bokas, waarin hoofletters gebêre is, en die onderkas vir kleinletters. In die bok waarin die kaste gebêre is, is die bokas bo die onderkas geplaas, vandaar die terme. "Bokas" vir hoofletters en "onderkas" vir kleinletters word vandag nog gebruik.

Die setter het by die bok gestaan en die letters een vir een uit die kaste gehaal om teks te set. Daar was ’n groot verskeidenheid kaste en uitlegte van die vakkies.[1] Verskillende drukkers het verskillende uitlegte gehad, selfs vir kaste van dieselfde ontwerp.

Verwysings wysig

  1. "Type case lay selection" (in Engels). The Alembic Press. Geargiveer vanaf die oorspronklike op 19 Oktober 2019. Besoek op 1 November 2017.

Eksterne skakels wysig