Linxia-bekken

Linxia-bekken
Laat Eoseen–Onlangs Ps Es Os Ms Pl Ps
Platybelodon
Die Linxia-prefektuur in Gansu en sy graafskappe (in geel)

Die Linxia-bekken is 'n paleontologiese vindplaas in die Chinese provinsie Gansu. Die bekken strek oor die graafskappe Hezheng, die weste van Guanghe, die suide van Dongxiang, die oostelike grens van Linxia en Jishishan en die stad Linxia en het 'n oppervlak van ongeveer 1300 km².

Hierdie bekken is gevul met 700-2000 m neerslae van Laat-Senosoïese tyd van die Laat Eoseen tot onlangs.

Die gebied het lank vanweë sy "drakebeendere" bekend gewees, maar dit was in die 1950s die eerste keer dat 'n ploeg geoloë die streek besoek en fossiele soos Hipparion, Chilotherium, Palaeotragus en Gazella uit die Neogeen aangetref. Op 'n ander plek vind hulle kwaternêre beende van Equus, Lynx, Ochotona en Myospalax. In die 1980s word die streek se belang vir die paleontologie erken en Qiu en sy kollega's het sedert 1987 in hierdie gebied opgrawings uitgevoer. Hulle vind nuwe soogdierspesies soos Acerorhinus hezhengensis, Dinocrocuta gigantea, Paraentelodon macrognatus en Hipparion gongxiangense. Daar word eers gedink dat die Plioseen die oudste tyd is waaruit hulle fossiele vind, maar later word ook Midde-Miosene fossiele gevind soos Platybelodon, Anchitherium, Hispanotherium en Kubanochoerus In die 1990 word talle fossiele gevind wat steeds ontleed moet word. Daar is ouer materiaal soos Dzungatherium uit die Oligoseen.

Daar is vandag heelparty plekke waar gewerk word en waar 'n verskeidenheid aan vondste aangetref word, soos Jiaozigou (Vroeë Mioseen; groot renosters, entelodonte), Yagou (Laat Oligoseen; Turpanotherium, Tsaganomys altaicus, Ardynia) en Dalangou (Aprotodon)