Lipowane

Die Lipowane of Lipowaners (Russies: Липовáне, Lipowane; Roemeens: Lipoveni; Oekraïens: Липовани, Lipowani; Bulgaars: Липованци, Lipowantsi) is etniese Russiese Ougelowiges wat in Roemenië, Oekraïne, Moldowa en Bulgarye woon nadat hulle Rusland in die 17de en 18de eeu verlaat en hulle in die Prinsdom Moldawië, in Walachye en ander streke gevestig het. Volgens die Roemeense sensus van 2011 was daar toe 23 487 Lipowane in die land.^[1]

Die oorsprong van hulle naam is onseker. Dit kom dalk van die lindeboom (Russies: Липа, lipa), wat groei in die omgewing waar hulle hulle gevestig het. Die linguis Victor Vascenco en vennote beskou dit egter as volksetimologie.^[2] Nog 'n hipotese is dat dit kom van die naam "Filipp" (1672-1742), wat volgens legende 'n groep andersdenkendes na Roemenië gelei het. Sy volgelinge is Filippoftsi genoem, wat later Lipoftsi en eindelik Lipowane geword het.^[2]

Geskiedenis

Die Lipowane het in die 18de eeu uit Rusland geëmigreer as teenstanders van patriarg Nikon se hervormings in die Russies-Ortodokse Kerk. Hulle het sterk godsdienstradisies wat kom uit die tyd van voor die hervormings. Hulle praat Oudrussies, maak die kruisteken met twee vingers in plaas van drie en sommige groei steeds baarde.

Die Russiese regering en die Ortodokse Kerk het die Ougelowiges vervolg, en daarom het baie sektes ontstaan wie se doel was om selfmoord te pleeg. Hulle was in Russies bekend as сожигатели (sozjigateli, "selfverbranders").^[3] Baie ander het uit Rusland gevlug.

In 1876 het lede van die Skoptsi-sekte, wat ook na Roemenië gevlug het om vervolging vry te spring, by die Lipowane aangesluit.

Verwysings

↑ Constantin, Marin (2014). "The ethno-cultural belongingness of Aromanians, Vlachs, Catholics, and Lipovans/Old Believers in Romania and Bulgaria (1990–2012)" (PDF). Revista Română de Sociologie. Bucharest. 25 (3–4): 255–285.
↑ ^2,0 ^2,1 Vascenco, Victor. "Melchisedec şi lipovenii" [Melchizedek and the Lipovans]. Romanoslavica (PDF) (in Roemeens). Vol. XLII. University of Bucharest. p. 133. Geargiveer vanaf die oorspronklike (PDF) op 24 Augustus 2009.
↑ Coleman, Loren (2004). The Copycat Effect: How the Media and Popular Culture Trigger the Mayhem in Tomorrow's Headlines. New York: Paraview Pocket-Simon and Schuster. p. 46. ISBN 0-7434-8223-9.

Skakels

Hierdie artikel is in sy geheel of gedeeltelik uit die Engelse Wikipedia vertaal.

[robg-1] Constantin, Marin (2014). "The ethno-cultural belongingness of Aromanians, Vlachs, Catholics, and Lipovans/Old Believers in Romania and Bulgaria (1990–2012)" (PDF). Revista Română de Sociologie. Bucharest. 25 (3–4): 255–285.

[viva-2] 2,0 ^2,1 Vascenco, Victor. "Melchisedec şi lipovenii" [Melchizedek and the Lipovans]. Romanoslavica (PDF) (in Roemeens). Vol. XLII. University of Bucharest. p. 133. Geargiveer vanaf die oorspronklike (PDF) op 24 Augustus 2009.

[3] Coleman, Loren (2004). The Copycat Effect: How the Media and Popular Culture Trigger the Mayhem in Tomorrow's Headlines. New York: Paraview Pocket-Simon and Schuster. p. 46. ISBN 0-7434-8223-9.

[1]

[2]

[3]