Lisosoom
Lisosome is klein, membraanomhulde blasies wat veral in dierselle prominent is. Die blasies is gevul met kragtige verteringsensieme wat, as hulle sou vrykom, die hele sel sou verteer. Die lisosome vermeerder dan ook in selle wat afgebreek moet word om plek te maak vir nuwe selle. Dit spreek vanself dat die membraan wat die lisosoom omring, van só 'n aard moet wees dat dit nie deur die ensieme vernietig kan word nie.
