Little Norway
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Little Norway is 'n opelugmuseum en gewilde toeristebestemming in Blue Mounds, 'n dorp in die Amerikaanse deelstaat Wisconsin. Die museum pronk met 'n outentieke Noorse dorp en word in die Amerikaanse National Register of Historic Places gelys.
Geskiedenis
wysigAangesien die landskap in die suidweste van Wisconsin baie op dié van Noorweë lyk het die Noorse immigrant Osten Olson Haugen uit Telemark hom met sy gesin teen die middel van die 19de eeu in die beskermde vallei aan die voet van 'n heuwel gevestig.
Die huidige museumdorp is in 1927 deur die Noors-Amerikaner Isak Dahle gestig wat die vallei Nissedahle ("Kaboutervallei") genoem het.
Besienswaardighede
wysigEen van die bekendste besienswaardighede in Little Norway is Norway Building, 'n gebou wat in 1893 in Noorweë vir die Columbian Exposition in Chicago opgerig is. Dit is later na die opelugmuseum Little Norway verskuif en is tans een van die voorbeelde van outentieke Noorse staafkerk-boukuns buite dié Skandinawiese land.