Lynn Redgrave
Lynn Redgrave, OBE (8 Maart 1943 – 2 Mei 2010) was ’n Britse aktrise en lid van die bekende Redgrave-toneelfamilie. Haar ouers was die akteurs sir Michael Redgrave en Rachel Kempson. Haar suster was Vanessa Redgrave en haar broer die akteur en politieke aktivis Corin Redgrave. Sy was die tante van die skrywer en regisseur Carlo Gabriel Nero en die aktrises Joely Richardson, Jemma Redgrave en Natasha Richardson, en die skoonsuster van die regisseur Tony Richardson, die Italiaanse akteur Franco Nero en die aktrise Kika Markham. Haar oupa was die stilprent-akteur Roy Redgrave.
| Lynn Redgrave | |
| |
Redgrave in 2009 by die Toronto-rolprentfees.
| |
| Geboorte | 8 Maart 1943 |
|---|---|
| Sterfte | 2 Mei 2010 (op 67) |
| Nasionaliteit | Brits |
| Beroep(e) | Aktrise |
| Aktiewe jare | 1962–2009 |
| Internet-rolprentdatabasis-profiel | |
Loopbaan
wysigRedgrave het in Londen opleiding ontvang voordat sy haar teaterdebuut in 1962 gemaak het. Teen die middel 1960's was sy al in verskeie flieks, insluitende Tom Jones (1963) en Georgy Girl (1966), waarvoor sy ’n Oscar- en Golden Globe-benoeming gekry en die New York Film Critics Award gewen het.
In 1967 het sy haar Broadway-debuut gemaak en in verskeie produksies in New York opgetree terwyl sy gereeld na Brittanje se West End teruggekeer het. Sy was saam met haar suster, Vanessa, in die verhoogstuk Three Sisters in Londen, en in die titelrol van die televisieproduksie What Ever Happened to Baby Jane? (1991).
Sy het in die laat 1990's na rolprente teruggekeer in flieks soos Shine (1996) en Gods and Monsters (1998), waarvoor sy nog ’n Oscar-benoeming gekry het. Redgrave is die enigste persoon wat vir al die Amerikaanse vermaakpryse (Grammy, Emmy, Oscar en Tony) benoem is en nie een gewen het nie.
Sy is in 2009 in die Amerikaanse teater-eresaal opgeneem.[1]
Verwysings
wysigEksterne skakels
wysig- Lynn Redgrave in die Internet-rolprentdatabasis
- Lynn Redgrave in die Internet-Broadway-databasis
- Lynn Redgrave Geargiveer 14 Mei 2013 op Wayback Machine – Downstage Center, onderhoud met American Theatre Wing, Julie 2005.
- Write TV, TV-onderhoud Geargiveer 3 Maart 2016 op Wayback Machine
Wikimedia Commons het meer media in die kategorie Lynn Redgrave.
Hierdie artikel is vertaal uit die Engelse Wikipedia
