MTV
MTV (Music Television) is 'n Amerikaanse kabeltelevisienetwerk wat in New York gebaseer en op 1 Augustus 1981 bekend gestel is.[2] Die oorspronklike doel van die kanaal was om musiekvideo's onder begeleiding van op-die-lug-aanbieders, ook bekend as VJ's, te speel.[3] Vandag speel MTV steeds 'n beperkte keur musiekvideo's, maar die kanaal saai nou hoofsaaklik 'n verskeidenheid popkultuur- en werklikheidsreekse uit wat op jong volwassenes en tieners gemik is.
| MTV | |
|---|---|
 MTV se kenteken sedert 2021
| |
| Gestig | 1 Augustus 1981 |
| Gesluit | Aktief |
| Eienaar | Turner Broadcasting System (Time Warner) |
| Beeldformaat | 1080i (HDTV) 480i (SDTV) |
| Land |  Verenigde State
|
| Taal | Engels |
| Uitsaaiarea | wêreldwyd |
| Hoofkantoor | New York |
| Vorige naam | Music Television (1 Augustus 1981 – 18 Maart 2009)[1] |
| Webtuiste | www.mtv.com |
| DirecTV | kanaal 331 (SD) 1331 (HD) |
| Dish Network | kanaal 160 (SD/HD) 1333 (HD) |
| DStv | kanaal 130 (HD/SD) |
Sedert sy première het MTV 'n aansienlike impak op die musiekindustrie en popkultuur gehad. Slagspreuke soos "I want my MTV" (Afrikaans: Ek wil my MTV hê) het in die openbare bewussyn wortel geskiet, die konsep van die VJ is gepopulariseer, die idee van 'n toegewyde videogebaseerde uitlaat vir musiek is ingelei, en beide musici en aanhangers het 'n sentrale lokasie vir musiekgeleenthede, nuus en promosie gevind. MTV word ook tallose male deur musici, ander TV-kanale en TV-reekse, rolprente en boeke in popkultuur na verwys.
MTV het die ontstaan van vele susterkanale in die VSA en geaffilieerde kanale internasionaal tot gevolg gehad. MTV se morele invloed op jongmense, insluitende kwessies rakende sensor en sosiale aktivisme, is al jarelank 'n onderwerp van debat. MTV se besluit om op nie-musikale programmering te fokus, het sedert die 1990's geweldige kritiek verduur, wat weer eens die kanaal se teenwoordigheid in die popkultuur beklemtoon.
Verwysings wysig
- ↑ "MTV drops 'Music Television' from the network logo" (in Engels). Los Angeles Times. 8 Februarie 2010. Geargiveer vanaf die oorspronklike op 31 Januarie 2020. Besoek op 21 Junie 2012.
- ↑ [1]
- ↑ "CNN - MTV changed the music industry on August 1, 1981 - July 31, 1998" (in Engels). Geargiveer vanaf die oorspronklike op 8 Mei 2019. Besoek op 19 November 2009.
Eksterne skakels wysig
Wikimedia Commons het meer media in die kategorie MTV.- (en) Amptelike webwerf
