Magrieb
Die magrieb (Arabies: صلاة المغرب, ṣalāt al-maġrib, "sonsonderganggebed"), wat net ná sonsondergang gebid word, is die vierde van vyf verpligte daaglikse gebede (salaah) wat Moslems moet doen.[1]
Die formele daaglikse gebede van Islam bestaan uit ’n verskillende aantal eenhede, wat rak'ats genoem word.[1] Die magrieb het drie verpligte (fard) rak'ats en twee aanbevole (soennah) rak'ats. Die eerste twee rak'ats in gemeenskapsgebed word hardop deur die imam gebid (iemand wat die magrieb misloop en salaah alleen maak, is nie verplig om die eerste twee rak'ats hardop te bid nie), en die derde word stilweg gebid.[1]
Vir ’n salaah om geldig te wees, moet dit binne die voorgeskrewe tyd gemaak word. Mense met ’n aanvaarbare rede het ’n langer tyd waarbinne hul gebed geldig sal wees.[2]
Verwysings
wysig- ↑ 1,0 1,1 1,2 Kaart vir al vyf gebedsbeurte by qul.org
- ↑ Significance of Offering the Isha and Maghrib Prayers and their Benefits, QuranReading-webtuiste, 29 Januarie 2015. Besoek op 14 Mei 2017
Eksterne skakels
wysig- Hoe om die magrieb te maak, op YouTube
Hierdie artikel is vertaal uit die Engelse Wikipedia
