Maine Coon
Die Maine Coon is ’n langharige katras met ’n kenmerkende voorkoms en ’n goeie jagvermoë.
| Maine Coon | ||||
| ||||
| Alternatiewe naam | Coon, Maine | |||
| Land | VSA | |||
| Ontstaan | Natuurlik | |||
| Pels | Lank | |||
| Patroon | Alle behalwe kleurpunte en strepies | |||
| Wetenskaplike naam | ||||
| Felis catus (huiskat) | ||||
| ||||
Geskiedenis
wysigDie Maine Coon is een van die oudste natuurlike katrasse in Noord-Amerika en is oorspronklik veral in Maine aangetref[1] waar dit dié staat se amptelik kat is.
Dit is nie seker wanneer die kat in Amerika beland het nie, maar daar is verskeie teorieë. Die algemeen aanvaarde teorie is dat die Maine Coon ontstaan het ná kruisings tussen plaaslike korthaarkatte en langhaarkatte wat deur Engelse seevaarders (moontlik deur kapt. Charles Coon) of 11de-eeuse Wikings na Amerika gebring is.[2][3] Die verbinding met die Wikings is vanweë die kat se ooreenkoms met die Noorse boskat.
Die kat was in die laat 19de eeu gewild op katskoue, maar sy bestaan is bedreig toe ander langhaarkatte in die 20ste eeu van oorsee na Amerika gebring is.[4]
Beskrywing
wysig
Dit is een van die grootste huiskatte en mannetjies kan tot 11 kg weeg. Die lyf is sterk en die bors breed. Die kat het ’n reghoekige lyf en lang pels. Die hare is korter op die kop en skouers en langer op die maag en sye, terwyl sommige katte ’n maanhaaragtige kraag het. Die pels het min versorging nodig. Die harige stert kan tot 36 cm lank wees[5] en loop dunner na die punt.
Maine Coons kan enige kleur hê, maar kleure wat op hibrides dui, soos sjokolade, laventel, kleurpunte en fyn strepies word nie vir skoue aanvaar nie.[6] Die algemeenste kleur is bruin met strepe.[7] Alle oogkleure word aanvaar, behalwe blou en ’n onpaar kleur by katte wat nie wit is nie.[8]
Maine Coons is bekend vir hul intelligensie[9] en sagmoedigheid.[4] Hulle bereik eers volle volwassenheid op drie tot vyf jaar, terwyl ander katte sowat ’n jaar neem.[10]
Sien ook
wysigVerwysings
wysig- ↑ "Breed Information" (in Engels). Maine Coon Breeders & Fanciers Association. Geargiveer vanaf die oorspronklike op 10 September 2019. Besoek op 26 Oktober 2008.
- ↑ Simpson, Mike en Trish. "The Maine Coon: America's Native Longhair" (in Engels). Maine Coon Breeders & Fanciers Association. Geargiveer vanaf die oorspronklike op 7 Oktober 2019. Besoek op 11 Desember 2010.
- ↑ "State Cat — Maine Coon Cat" (in Engels). Departement van buitelandse sake van Maine. Geargiveer vanaf die oorspronklike op 16 Februarie 2019. Besoek op 30 Januarie 2009.
- ↑ 4,0 4,1 "Maine Coon Synopsis" (in Engels). American Cat Fanciers Association. Geargiveer vanaf die oorspronklike op 25 Oktober 2019. Besoek op 26 Oktober 2008.
- ↑ "Maine Coon: A Gentle Giant" (PDF). Royal Canin. Geargiveer vanaf die oorspronklike (pdf) op 23 Julie 2011. Besoek op 31 Oktober 2008.
- ↑ Frew, Gail. "Breed Article: America's First Show Cat – The Maine Coon Cat" (in Engels). Cat Fanciers' Association. Geargiveer vanaf die oorspronklike op 2 Maart 2000. Besoek op 11 Desember 2010.
- ↑ "Choosing a Maine Coon". PetPlace.com (in Engels). Intelligent Content Corp. Geargiveer vanaf die oorspronklike op 22 Februarie 2015. Besoek op 2 November 2008.
- ↑ "The ACFA Maine Coon Standard" (in Engels). American Cat Fanciers Association. Geargiveer vanaf die oorspronklike op 29 Februarie 2012. Besoek op 2 November 2008.
- ↑ Robins, Sandy. "Training Day". Popular Cats Series. BowTie Magazines. 2: 118–125.
- ↑ "Maine Coon Cat" (PDF). Cat Fanciers Federation. Geargiveer vanaf die oorspronklike (PDF) op 29 Desember 2009. Besoek op 15 Januarie 2012.
Eksterne skakels
wysig- Suider-Afrikaanse standaarde Geargiveer 7 Mei 2013 op Wayback Machine
- Cat Fanciers' Association Maine Coon Cat Breed Council
- Maine Coon Breeders and Fanciers Association
- United Maine Coon Cat Association Geargiveer 16 Desember 2008 op Wayback Machine
Wikimedia Commons het meer media in die kategorie Maine Coon.
Hierdie artikel is vertaal uit die Engelse Wikipedia
