Mali-teater
Die Mali-teater (Russies: Малый театр, "Klein Teater") is ’n teater in Moskou, Rusland, wat hoofsaaklik toneelstukke opvoer. Dit is in 1806 gestig[3] en word van 1824 af vanaf sy huidige standplaas op Teaterplein bedryf.[3] Die naam Mali-teater is in teenstelling met dié van die nabygeleë Bolsjoi-teater ("Groot Teater").
| Mali-teater | |
|---|---|
 | |
| Plaaslike naam | Малый театр |
| Ligging | Teaterplein (Театральная площадь) |
| Stad | Moskou, Rusland |
| Geopen | 11 April 1806 (14 Oktober 1824 op Teaterplein) |
| Soort | Staatsteater Dramateater |
| Sitplekke | 953 (hoofverhoog)[1] 760 (2de verhoog)[2] |
| Webtuiste | www.maly.ru |
Geskiedenis
wysigDie teater se geskiedenis kan teruggevoer word na die Moskou-universiteit se dramageselskap, wat in 1756 gestig is. In die 19de eeu is die Mali algemeen beskou as die voorste dramateater van die eeu.[3] Altesaam 40 van Aleksandr Ostrofski se 54 toneelstukke het hul première in die Mali gehad.[4] Die Mali en die Aleksandrinski-teater in Sint Petersburg het "in ’n groot mate die ontwikkeling van die Russiese teater in die 19de en 20ste eeu bepaal".[5]
Die Mali het hom gevestig as ’n tradisonele dramateater wat klassieke toneelstukke opvoer. Die teater se tweede verhoog in die Zamoskworetsjije-distrik voer ook werke van W. Somerset Maugham, Luigi Pirandello en Eugene Scribe op.[6] Voorheen het die Mali ook dikwels toneelstukke van William Shakespeare opgevoer.
Die teater het ’n personeel van meer as 700, insluitende meer as 100 akteurs. Dit is die enigste dramateater in Rusland wat sy eie simfonieorkes en professionele koor behou het. Die Mali bedryf ook die Sjtsjepkin-teaterskool, Moskou se oudste dramaskool. Dit is in 1809 as die Keiserlike Teaterskool gestig.
Verwysings
wysig- ↑ "Maly Theatre catalogue card" (in Russies). www.rosteatr.ru. Besoek op 18 Augustus 2009.[dooie skakel]
- ↑ "Maly Theatre (Branch) catalogue card" (in Russies). www.rosteatr.ru. Besoek op 18 Augustus 2009.[dooie skakel]
- ↑ 3,0 3,1 3,2 Londré, Felicia Hardison; Berthold, Margot (1999). The history of world theater: from the English restoration to the present. Continuum International Publishing Group. ISBN 978-0-8264-1167-9.
- ↑ Hochmann, Stanley (red.) (1984). McGraw-Hill Encyclopedia of World Drama: An International Reference Work in 5 Volumes. McGraw-Hill Companies. ISBN 978-0-07-079169-5.
- ↑ Leach, Robert; Borovsky, Victor (1999). A history of Russian theatre. Cambridge University Press. ISBN 978-0-521-43220-7.
- ↑ "Program" (in Russies). Mali-teater, amptelike webtuiste. Geargiveer vanaf die oorspronklike op 21 Oktober 2008. Besoek op 13 Augustus 2009.
Eksterne skakels
wysig
Wikimedia Commons het meer media in die kategorie Mali-teater.
Hierdie artikel is vertaal uit die Engelse Wikipedia
