Management Trust Holding
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Management Trust Holding (kort MTH AG) is 'n Oostenrykse houer- en aandelemaatskappy met belange in onder meer die kleinhandel- en finansiële bedryf, die vervaardiging van werktuigmasjiene, besigheidsadvies, parkeer- en toegangstelsels, sagteware en sisteemingenieurswese. Die groep met 5 950 medewerkers en 'n omset van €819 miljoen in 2017/18 het sy setel in die Oostenrykse hoofstad Wene. Sy aandele word op die Weense Effektebeurs se Derde Mark genoteer.[1]
Afdelings wysig
- MTH Retail Group
MTH AG se kleinhandelsbelange met altesaam 788 winkels in Oostenryk, Duitsland en Switserland word deur die afdeling MTH Retail Group bestuur. Kleinhandelkettings in besit van MTH sluit Libro en Pagro (albei in Oostenryk), Office World en iba (albei in Switserland), Mäc-Geiz en Pfennigpfeiffer (albei in Duitsland) in.[2]
- Nywerheidsbelange
Die groep se nywerheidsbelange fokus op middelgroot ondernemings in tradisionele tegnologiese sektore wat snelle groei toon, soos soos parkeer- en toegangstelsels en die vervasardiging van werktuigmasjiene.
- Finansiële belange
MTH se belange in die finansiële bedryf fokus op beleggings in privaat eiendomsfondse.
Verwysings wysig
- ↑ "Management Trust Holding Aktiengesellschaft. Besoek op 4 November 2018". Geargiveer vanaf die oorspronklike op 24 Januarie 2019. Besoek op 4 November 2018.
- ↑ "MTH Retail Group. Besoek op 4 November 2018". Geargiveer vanaf die oorspronklike op 2 Februarie 2019. Besoek op 4 November 2018.