Manyeleti-wildtuin
Die Manyeleti-wildreservaat is in die ooste van die Mpumalanga-provinsie van Suid-Afrika geleë . Die wildreservaat word bestuur deur die Mpumalanga Provinsiale Regering en beslaan meer as 22 750 ha.
Ligging wysig
Koördinate van die hek: 24°37′19″S 31°27′18″O / 24.62194°S 31.45500°O
Manyeleti lê aangrensend tot die Krugerwildtuin (sonder heinings), met die Sabi Sand-wildreservaat ten suide en die Timbavati-wildreservaat in die noordweste. In Xitsonga beteken Manyeleti "plek van sterre". Gedurende die nag word die lugruim van Manyeleti oorheers deur miljarde helder sterre, vandaar die naam.
Politieke geskiedenis wysig
Gedurende die apartheidsjare het die sentrale regering Manyeleti aangewys as 'n wildreservaat vir eksklusiewe gebruik deur die Bantoe van die land, in die hoop dat hierdie reëling die swart Suid-Afrikaners se strewe na 'n eie wildreservaat sou bevredig. Die Tsonga-mense, wat die land voor kolonisasie bewoon het, het besoekersregte tot hierdie gebied gekry. Tans is die Tsonga-stam onder leiding van die Mnisi- en Mathebula-stamme besig om die land op te eis om met hul beeste en ander mak vee te boer. Wat 'n jammerte!