Maramba

   Hierdie artikel behoort versmelt te word met Livingstone.
Maak seker om die inhoud te skuif na die bladsy wat reeds aan Wikidata gekoppel is!
Indien altwee gekoppel is, sien hier.

Maramba is die naam wat ná Zambië se onafhanklikwording vir die suidelike dorp Livingstone voorgestel is. Dit het egter nie inslag gevind nie en die naam Livingstone is behou.

Die naam Maramba is ouer as Livingstone omdat die rivier wat verby aan die oostelike kant van 'n groot dorpsgebied van die dorp vloei, die naam gehad het lank voor Livingstone sy beslag vroeg in die 20ste eeu gekry het. Talle plekke en instellings op die dorp gebruik die naam en dit is vroeër voorgestel as 'n Afrika-naam vir die hele dorp. Livingstone is die enigste plek in Zambië wat sy Europese naam na onafhanklikwording op 24 Oktober 1964 behou het, hoofsaaklik weens die ingryping van die eerste president, Kenneth Kaunda, wie se pa onderrig is deur Skotse sendilinge wat in David Livingstone se voetspore gevolg het.

Danksy die dorp se gewildheid onder toeriste uit die buiteland lyk enige toekomstige naamsverandering onwaarskynlik omdat sakelui dit waarskynlik heftig sal teenstaan aangesien dit die dorp se bekendheid as internasionale toeriste-bestemming nadelig kan raak.