Marius Barnard
Marius Barnard (3 November 1927 - 14 November 2014) was die jonger broer van prof. Chris Barnard, die bekende hartsjirurg. Barnard was 'n kardioloog in eie reg en was deel van sy broer se span tydens die eerste menslike hartoorplantings. Hy was ook die skepper van kritieke siekteversekering in 1983 nadat hy gesien het dat pasiënte nie hul lewenstyl as gevolg van die hoë koste van mediese sorg kon volhou nie.[1] Tussen 1980 en 1989 was hy 'n lid van die Suid-Afrikaanse parlement vir die Progressiewe Federale Party.
Marius Barnard | |
|---|---|
.jpg) Marius Barnard in 1968 | |
| Gebore | 3 November 1927 |
| Sterf | 14 November 2014 (op 87) |
| Nasionaliteit |  Suid-Afrika |
| Beroep | kardioloog en politikus |
| Eggenoot | Inez |
| Kinders | Adam en twee dogters |
Barnard is in 1927 op Beaufort-Wes in die Wes-Kaap gebore. Hy is op 14 November 2014 na 'n 17 jaar lange stryd met prostaatkanker in Hermanus oorlede. Hy was 87 jaar oud.[2]
Verwysings wysig
- ↑ Ernstige siekte is net helfte van verhaal, Beeld, 14 September 2009.
- ↑ Dr. Marius Barnard sterf Geargiveer 17 November 2014 op Wayback Machine, Netwerk24, 14 November 2014.
