Mark (ekonomie)
(Aangestuur vanaf Markte)
Die mark of markomgewing is die omgewing wat onmiddellik buite die ondernemingsvlak geleë is en wat die onderneming op verskeie maniere beïnvloed. Alhoewel die meeste van hierdie faktore nie deur die besigheid beheer kan word nie, is daar tog 'n mate van invloed wat die besigheid kan uitoefen om die markomgewing te beïnvloed. Sonder verbruikers kan geen besigheid oorleef nie en alhoewel besighede nie aan voornemende verbruikers kan voorskryf wat om te koop of wanneer en waar hulle hul aankope moet doen nie, kan die besigheid in 'n redelike mate die optrede van verbruikers beïnvloed, deur seker te maak hulle lewer goeie kliëntediens, het 'n redelike prysbeleid in plek en is terselfdertyd gefokus op die lewering van gehalteprodukte.
