Martin Weinek

	Martin Weinek
	Martin Weinek (regs) met Denise Zich en Kaspar Capparoni
Geboortenaam	Martin Weinek
Geboorte	30 Junie 1964; Leoben, Oostenryk
Nasionaliteit	Oostenryks
Beroep(e)	Akteur, wynprodusent, entrepreneur
Aktiewe jare	1988-
Internet-rolprentdatabasis-profiel

Martin Weinek (gebore in Leoben, 30 Junie 1964) is 'n Oostenrykse akteur, wynmaker, entrepreneur en vermaakkunstenaar, wat waarskynlik die beste bekend is om sy rol in die televisiereeks Inspector Rex (as inspekteur Fritz Kunz).

Weinek het drama gestudeer van 1983 tot 1986 onder professor Peter P. Jost.

Van 1986 af was hy deel van Group 80 van die teaters in Wenen en het 'n klein rolletjie vertolk in die rolprent Nachsaison, waarin hy 'n hysbakassistent was.

In 1987 het hy opgetree tydens die Recklinghausen-feeste onder die regie van Georg Mittendrein in The Lechner Edi looks into Paradise en 'n straatveër in die rolprent Müllomania onder die regie van Dieter Berner. Van 1988 tot 1989 was hy verbonde aan die Jura Soyfertheater in Wenen asook verpligtinge aan ander teaters en bedrywighede as regisseur en vervaardiger het gevolg op sy artistieke bestuur van die Hernalser-stadsteater van 1990 tot 1991.

Weinek was met tussenposes keer op keer betrokke by rolprente en televisie, byvoorbeeld in 1989 in die televisiereeks Calafati Joe.

Buiten akteur is hy ook wynprodusent saam met sy vrou, Eva. Hulle het wyn begin vervaardig as stokperdjie in 1993 en boer op drie hektaar wingerde naby Heiligenbrunn.

Filmografie

1989: Calafati Joe (TV-reeks)
1999-2004, 2008- : Inspector Rex (TV-reeks)
2004: Silentium
2005: Grenzverkehr
2006: Unter weißen Segeln (Episode Träume am Horizont)
2007: Die Rosenheim-Cops (Episode Liebe bis zum Ende)

Eksterne skakels

Link ORF Geargiveer 11 Junie 2011 op Wayback Machine (in Duits)
Weinek als Weinbauer, Sy wynvervaardiging Geargiveer 29 September 2007 op Wayback Machine (in Duits)