Maak hoofkeuseskerm oop

Martinus de Beer (gebore 22 April 1979, Windhoek, Namibië) is 'n skrywer vanaf Bloemfontein.

In 1989 verhuis hy saam met sy familie na Bloemfontein (Vrystaat, Suid-Afrika) waar hy sedertdien woonagtig is. Hy matrikuleer te Hoërskool Jim Fouché, Bloemfontein (1997). Na skool verwerf hy sy B.Compt graad (2000) en sy B.Rek Honneurs (2002) aan die Universiteit van die Vrystaat. Sedert begin 2003 praktiseer hy as leerlingrekeningmeester en verlaat die beroep in 2004 weens onbekende redes. In 2006 word hy benoem as finalis in Human & Rousseause 'Ek is 'n Skrywer-kompetisie'. Op agt-en-twintigjarige ouderdom word sy eerste boek (Hemelhel, 2007, Human & Rousseau) gepubliseer.