Masedonië (Griekeland)

Vir ander gebruike van die naam "Masedonië" sien die Masedonië-dubbelsinnigheidsblad.

Masedonië (Grieks: Μακεδονία, Makedonía [makeðoˈnia]) is ’n geografiese en historiese streek van Griekeland in Suidoos-Europa. Dit is die grootste en digs bevolkte deel van die land. Dié gebied en Thracië word soms saam "Noord-Griekeland" genoem.

Ligging van Masedonië in Griekeland

Vlag van Masedonië

Seël van Masedonië

Hierdie noordelike Griekse streek omsluit die grootste deel van die antieke Koninkryk van Masedonië, die koninkryk wat deur die Argeïese Dinastie regeer is, waarvan die belangrikste lede Alexander die Grote en sy pa, Philippos II, was. Onder die Ottomaanse Turke het die naam in onbruik geraak.

Selfs voor die stigting van die moderne Griekse staat in 1830 is dit geïdentifiseer as ’n Griekse provinsie, hoewel Masedonië geen geografiese grense het nie. Teen die middel van die 19de eeu is die naam weer informeel gebruik as ’n geografiese eerder as ’n politieke streek.

Teen die einde van die Ottomaanse tydperk is die grootste deel van die streek bekend as Roemelië deur die Verdrag van Boekarest (1913) verdeel ná die Ottomane se nederlaag in die Balkan-oorloë van 1912-1913. Griekeland, Serwië, Bulgarye en Albanië het elk ’n deel van die streek gekry – Griekeland die grootste.

Bronne

• 

  Hierdie artikel is vertaal vanuit die Engelse Wikipedia

Eksterne skakels

• Macedonian Press Agency Geargiveer 6 Desember 2019 op Wayback Machine
• Museums
• Nikolaos Martis – dokumente en bronne
• ’n Aanlyn-oorsig
• ’n Historiese profiel van Noord-Griekeland

• Wikimedia Commons het meer media in die kategorie Masedonië (Griekeland).