Mass Rapid Transit (Singapoer)

Die Mass Rapid Transit Singapore (MRTS, letterlik vertaal: snelmassavervoerstelsel) is die amptelike benaming vir die openbare vervoernetwerk van die metro en 'n ligte stelsel in die land Singapoer. Die netwerk bestaan uit 4 metrolyne en 3 ligte treinlyne. Daar is meer lyne in ontwikkeling.

• Noord-Suidlyn, metrolyn gedeeltelik ondergronds
• Oos-Weslyn, metrolyn gedeeltelik ondergronds
• Noord-Ooslyn, metrolyn geheel ondergronds
• Sirkellyn, metrolyn geheel ondergronds en slegs sentraal in die stad Singapoer.
• Downtownlyn, metrolyn geheel ondergronds; dié lyn is nog in aanbou.
• Drie ligte spoorlyne, almal bogronds.

Die Metro in Singapoer

Aanlê

'n Roete-inligtingpaneel by 'n Metrostasie

In Mei 1982 het die regering toestemming gegee om met die aanleg te begin. Die koste was begroot op 5 miljard Singapoer-dollar en die projek moes teen 1992 voltooi wees. 'n Gedeelte van die Noord-Suidlyn word eerste aangelê omdat Orchardweg en die sentrale sakedistrik die drukste gebiede was. Die aanvanklike sisteem met 'n gedeeltelike Noord-Suidlyn en 'n gedeeltelike Oos-Weslyn was 67 kilometer lank en het 42 stasies, waarvan 27 bogronds en 15 ondergronds is. Op 14 Oktober 1983 word die MRT Corporation opgerig om die werk van die "Provisional Mass Rapid Transit Authority" oor te neem. Op 7 November 1987 word die eerste deel van die stelsel vir die publiek geopen. Minister-president Lee Kuan Yew open die stelsel amptelik op 12 Maart 1988. Die res van die stelsel is in Julie 1990 voltooi, steeds 2 jaar voor skedule.

Betaling

'n Enkele reis varieer in prys van S$ 0.80 tot S$ 1.80.

Die meeste passasiers gebruik 'n kontaklose slimkaart met die naam EZ-Link, 'n stelsel wat byna dieselfde is as die Octopuskaart in Hongkong. 'n Reisiger hou slegs sy kaart bo die toegangsdeure by die stasie as hy binnekom en weer vertrek, dan word die bedrag outomaties van die kaartsaldo afgetrek.

Skematiese kaart van netwerk/roetes