Masurië

Masurië (Pools: Mazury) is 'n gewes in die voormalige provinsie Oos-Pruise wat tans deel uitmaak van die Noord-Poolse woiwodskap Ermland-Masurië. Sy grense is nie presies afgebaken nie; die gebied vorm rofweg 'n seshoek tussen Ełk (Duits: Lyck), Pisz (Johannisburg / Johannisburger Heide), Mrągowo (Sensburg), Kętrzyn (Rastenburg), Węgorzewo (Angerburg), Olecko (Treuburg) met Giżycko (Lötzen) en Mikołajki (Nikolaiken) by die Masuriese Mereplato.

'n Poolse kaart van Masurië (ligroos)

Die naam is afgelei van die oorspronklike bewoners, die Masowiërs. Sedert Oos-Pruise in 1945 tussen Pole en Rusland opgedeel is, vorm Masurië die grootste meerlandskap in Pole.