Matrosskaja Tisjina
Die Federale Staatsinstelling IZ-77/1 van die Kantoor van die Federale Strafgevangenisdiens van Rusland in die stad Moskou is 'n gevangenis in die Sokolniki-distrik van Moskou, Rusland. Dit is algemeen bekend as Matrosskaja Tisjina (Russies: Матросская тишина, letterlik "Matroos se Stilte"), na aanleiding van die straat waarin dit in Noordoos-Moskou geleë is.
| Matrosskaja Tisjina | ||
.jpg)
| ||
| Ligging | ||
| Stad/dorp | Moskou | |
| Land |  Rusland
| |
| Geskiedenis | ||
| Geopen | 1945 | |
| Inligting | ||
| Status | Werkend | |
| Bestuur deur | Federale strafgevangenisdiens | |
Matrosskaja Tisjina word bedryf deur die federale strafgevangenisdiens en is bekend as die plek waar gevangenes soos Michail Chodorkofski en van die samesweerders van die 1991-poging tot 'n Sowjetse staatsgreep aangehou is.[1]
Geskiedenis
wysigDie plek waar Matrosskaja Tisjina staan, is sedert 1775 die terrein van aanhoudingsgeriewe. In dié jaar is 'n sielsieke-inrigting daar geopen en in 1870 is die gebou in die Moskoutronk omskep met plek vir 300 mans en 150 vroue. In 1912 is nuwe tronkblokke opgerig en in 1918 is dit verander in 'n tronk vir jeugdiges.
Matrosskaja Tisjina is in 1945 ná die Tweede Wêreldoorlog in sy huidige vorm deur die Sowjetregering opgerig. Die departement van binnelandse sake het dit van 1946 tot 1956 bedryf, en daarna het dit twee hoofgeboue gehad met meer as 2 000 volwasse gevangenes; daarna het nog 'n gebou bygekom. Van 1953 tot 1997 is jeugmisdadigers in die derde gebou aangehou en sedert 1999 is dit die tuberkulose-afdeling. In 1997 het dit tot 5 000 gevangenis gehou wat op vonnisse gewag het.
Ontsnappings
wysigNet drie of vier gevangenes kon ooit uit Matrosskaja Tisjina ontsnap.
- Op 5 Junie 1995 het Aleksandr Solonik, 'n berugte kontrakmoordenaar en lid van 'n prominente Koerganse misdaadgroep, uit die tronk ontsnap.
- Op 2 Mei 2004 het Sergei Jersjof, 'n Oekraïense man, ontsnap deur stene uit te breek. Hy is egter minder as 24 uur later weer aangekeer en dit word slegs as 'n ontsnappingspoging beskou.
- Op 13 Maart 2003 het Aleksei Djoelger, 'n gevangene van Koersk, die reg tot vrye beweging van die tronkowerheid gekry en verdwyn in wat geglo is 'n ontsnapping is. Djoelger is 'n paar dae later gevind waar hy op 'n hoop bourommel op die tronkterrein sit en uit 'n nabygeleë vullisblik eet. Hy het saam met sy selmaats gedobbel en 'n groot som verloor; hy het toe besluit om weg te kruip eerder as om die risiko te loop om vir sy dobbelskuld vervolg te word.
- Op 7 Mei 2013 het Oleg Topalof, wat van diefstal en 'n dubbele moord aangekla is, ontsnap deur homself deur 'n gat in die plafon van sy sel te trek wat hy net met 'n metaallepel gemaak het. Hy het op die dak geklim en oor 'n heining gespring. Die owerhede het die onoplettende en korrupte veiligheidswagte geblameer vir Topalof se ontsnapping, omdat hy burgerlike drag aangehad en bergklimtoerusting gebruik het wat hy by 'n wag gekoop het. Topalof is die volgende dag aangekeer.
Bekende gevangenes
wysigNoemenswaardige gevangenes wat in Matrosskaja Tisjina aangehou is, sluit in:
Verwysings
wysig- ↑ Schreck, Carl (30 Oktober 2003). "Day in the Life of Mikhail Borisovich". The Moscow Times. Geargiveer vanaf die oorspronklike op 19 November 2005.
Skakels
wysig
Hierdie artikel is in sy geheel of gedeeltelik uit die Engelse Wikipedia vertaal.
