Max Planck-geselskap
Die Max Planck-geselskap vir die Bevordering van Wetenskap (Duits: Max-Planck-Gesellschaft zur Förderung der Wissenschaften e. V.; afgekort MPG) is ’n voorheen onafhanklike nieregeringsorganisasie sonder winsbejag van Duitse navorsingsinstellings wat in 1911 as die Kaiser Wilhelm-geselskap gestig is[1][2] en in 1948 hernoem is tot die Max Planck-geselskap ter ere van sy eertydse president, die fisikus Max Planck. Die vereniging kry nou geld van die Duitse regering sowel as ander bronne.[3][1]
| Max Planck-geselskap | |
|---|---|
| Volle naam | Max Planck-geselskap vir die Bevordering van Wetenskap |
| Afkorting | MPG |
| Vorige naam | Kaiser Wilhelm-geselskap |
| Gestig | 1911 |
| Doel | Wetenskaplike navorsing |
| Hoofkwartier | München, Duitsland |
| Voorsitter | Martin Stratmann |
| Webtuiste | www.mpg.de |
Volgens die vereniging is sy primêre doel basiese navorsing oor natuur-, lewens- en sosiale wetenskap, die kunste en geesteswetenskappe in sy lid-institute.[1][2] Dit het sowat 17 000 permanente werknemers, insluitende 5 470 wetenskaplikes.[3]
Die Max Planck-geselskap fokus op uitmuntendheid in navorsing. Dit het ’n wêreldwye reputasie as ’n wetenskap- en tegnologiese navorsingsorganisasie, met 33 Nobelpryse wat aan sy wetenskaplikes toegeken is, en word algemeen beskou as een van die voorste basiese navorsingsorganisasies in Europa en die wêreld. In 2013 het die Nature Publishing Index dit vyfde wêreldwyd geplaas in terme van navorsing wat in Nature-tydskrifte gepubliseer is.[4] Die webtuiste Thomson Reuters-Science Watch het die vereniging tweede geplaas op sy lys van voorste navorsingsorganisasies wêreldwyd ná die Harvard-universiteit in terme van die impak van die geproduseerde navorsing oor wetenskapsvelde heen.[5]
Onder die Max Planck-geselskap se beroemde wetenskaplikes tel Otto Hahn, Werner Heisenberg en Albert Einstein.
Verwysings
wysig- ↑ 1,0 1,1 1,2 "About us" (in Engels). Max-Planck-Gesellschaft. Geargiveer vanaf die oorspronklike op 1 April 2020. Besoek op 28 Maart 2015.
- ↑ 2,0 2,1 "About us" (in Engels). Max-Planck-Gesellschaft. Geargiveer vanaf die oorspronklike op 20 April 2015. Besoek op 28 Maart 2015.
- ↑ 3,0 3,1 "About us" (in Engels). Max-Planck-Gesellschaft. Geargiveer vanaf die oorspronklike op 18 April 2015. Besoek op 5 Februarie 2017.
- ↑ Nature Publishing Index - 2013 Global Top 200 Geargiveer 16 September 2015 op Wayback Machine, Nature Publishing Group
- ↑ [1] Science Watch
Eksterne skakels
wysig- Amptelike webtuiste
Hierdie artikel is vertaal uit die Engelse Wikipedia
