Mercedes-Benz M100 enjin
Die Mercedes-Benz M100-enjin was 'n 6 332 cc (6,3 L)[1] enkelbonokas V8-enjin wat tussen 1963 en 1981 deur Mercedes-Benz vervaardig is. As die opvolger van die M189-weergawe van die maatskappy se bekroonde 3.0 L inlynsessilinder M186, is dit bekendgestel in die vlagskip Mercedes-Benz 600. In 1968 is dit aangebring in die hoëprestasie Mercedes-Benz 300SEL 6.3 sportsedan. Die enjininhoud is vergroot tot 6.8 L in 1975 vir die Mercedes-Benz 450SEL 6.9 (1975-1981).
 Mercedes-Benz 300 SEL 6.3 | |
| Oorsig | |
|---|---|
| Vervaardiger | Daimler-Benz |
| Produksietyd | 1963-1981 |
| Konfigurasie | Natuurlike lugvloei V8 |
| Afmetings | |
| Inhoudsmaat |
|
| Boorwydte |
|
| Slaglengte | 95 mm |
| Drukverhouding |
|
| Blok | Gietyster |
| Kopstuk | Aluminium |
| Stelsels | |
| Klepwerking | SOHC |
| Brandstoftipe | Petrol |
| Brandstofstelsel | Meganiese brandstofinspuiting |
| Smeerstelsel | Droë oliebak |
| Verkoelingstelsel | Waterverkoel |
| Bestuurstelsel | Daimler-Benz ontwerp (1963-1972) Bosch K-Jetronic (1973-1981) |
| Enjinlewering | |
| Kraglewering | 180 kW @4000 opm (1963-1981) 210 kW @4250 opm (1975-1981) |
| Wringkrag | 503–550 Nm @3000 opm |
Die M100 bevat 'n gietysterblok, aluminiumlegeringskoppe en natriumgevulde kleppe in vliegtuigstyl wat teen geharde klepsitplekke werk. Soos in alle Mercedes-Benz-motorenjins, is die krukas, verbindingsstawe en suiers gesmee in plaas van gegote.
Die kragbron van 6,3 liter lewer konserwatief 184 kW, met 503 Nm se wringkrag om te help vergoed vir die 2,65:1 finale verhouding nodig vir volgehoue hoëspoedbestuur.
Die 6.9 L M100 gebruik 'n "droë-oliebak" enjinsmeerstelsel, wat beide verhoogde langlewendheid en verminderde oorhoofse enjinhoogte bied. Oorspronklik ontwikkel as 'n manier om skuiming van enjinolie teen hoë krukastoere te voorkom, wat 'n ernstige daling in die oliedruk sou veroorsaak, het dit volgehoue snelhede teen volle enjinkrag moontlik gemaak. Die M100-stelsel het 'n massiewe twaalf liter olie deur die enjin gesirkuleer en 'n opgaartenk wat binne die regtervoormodderskerm gemonteer is, in teenstelling met die gewone vier of vyf liter wat in V8's gevind is met 'n standaardoliebak en -oliepompkonfigurasie. Die droë-oliebakstelsel het ook die voordeel gehad om die olieversieningsinterval na 20100 km uit te brei. Dit, tesame met hidrouliese klephysers wat geen verstelling nodig gehad het nie en spesiale silinderkoppakkings wat die behoefte aan periodieke vasdraai van die kopboute uitgeskakel het, het die 6,8 byna onderhoudsvry gemaak vir sy eerste 80 000 km.
Verwysings
wysig- ↑ Martin, Murilee (30 Mei 2009). "Engine Of The Day: Mercedes-Benz M100 V8". Jalopnik. Gizmodo Media Group. Besoek op 16 Julie 2017.