Michelle Breedt
| Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Michelle Breedt is ’n Suid-Afrikaanse mezzosopraan. Sy is aan die Universiteit Stellenbosch opgelei en begin haar loopbaan by die opera-afdeling van die destydse Kaaplandse Raad vir die Uitvoerende Kunste (Kruik). In 1990 verhuis sy na Duitsland en word 'n lid van die Keulen-opera, en toe die Staatsteater in Brunswyk. Sy het haar daar in minder bekende belcanto-mezzosopraan-rolle gevestig, soos dié van Diana/Giove in La Calisto van Francesco Cavalli, en Anna in Die sieben Todsünden (Die sewe doodsondes) van Kurt Weill.
Michelle Breedt | |
|---|---|
| Gebore | 3 Junie 1967 |
| Beroep(e) | Sangeres |
| Instrumente | Stem |
| Assosiasies | Kruik, Staatstheater Braunschweig |
| Webwerf | michellebreedt.com |
Breedt is ’n voorste vertolker van rolle geskep deur die Franse Romantiese komponis Hector Berlioz. As vryskutsolis tree sy in operahuise reg oor die wêreld op. ’n Optrede wat haar groot erkenning besorg het, is haar vertolking van Lisa in die wêreldpremière van Mieczysław Weinberg se The Passenger in 2010 in Bregenz, Oostenryk. Sy is met 'n Eberhard Waechter-medalje vir haar uitstaande optredes in die Weense Staatsopera bekroon. Sy het ook die German Critic's Award ontvang vir haar CD-opnames van operas deur Korngold en Dvorak.[1]
Breedt is 'n professor in musiek aan die Musiekskool van die Universiteit München, asook 'n besoekende hoogleraar in Sang aan die Konservatorium vir Musiek aan die Universiteit Stellenbosch.[2]
Verwysings
wysig- ↑ Matieland 2006:2, besoek op 16 April 2017
- ↑ HAT Taal-en-feitegids, Pearson, Desember 2013, ISBN 978-1-77578-243-8
