Michio Kaku

Michio Kaku (San Jose (Kalifornië), 24 Januarie 1947) is 'n Amerikaanse futuris en teoretiese wetenskaplike wat spesialiseer in die snaarteorie. Hy het wetenskap gepopulariseer via sy twee radioprogramme en as 'n wydgelese skrywer van verskeie werke. Kaku is hoogleraar in teoretiese fisika aan die City College van New York.

Michio Kaku in 2012

Jeug en opleiding

Kaku is in San Jose, Kalifornië, gebore. Sy ouers was Japannese immigrante. In die vroeë 1960's het Kaku skaak gespeel in die skaakspan van Cubberley Hoërskool in Palo Alto. Hy het onder die aandag gekom van die wetenskaplike Edward Teller tydens die Nasionale Wetenskapskou in Albuquerque, Nieu-Meksiko.

Hy het studeer aan Harvard-universiteit en 'n BSc-graad in 1968 voltooi. Hy het ook studeer aan die Berkeley-radiolaboratorium van die Universiteit van Kalifornië, Berkeley, en 'n Ph.D. ontvang in 1972.

Akademiese loopbaan

Kaku is tans hoogleraar in teoretiese fisika. Hy hou hom besig met die definiëring van die "Teorie van alles", wat beoog om die vier fundamentele kragte van die heelal te verenig; die sterk wisselwerking, die swak wisselwerking, die swaartekrag en elektromagnetisme.

Hy het van 1969 tot 2000 artikels gepubliseer oor snaarteorie, waarvan hy die eerste in 1974 geskryf het. Baie van die idees wat hy vir die eerste keer verken het, het sedertdien gegroei tot aktiewe navorsingsgebiede. Sy mees onlangse ondersoek, oor bosoniese kwantummembrane, is gepubliseer in die Physical Review in 2000.

Kaku het 170 artikels gepubliseer in tydskrifte met betrekking tot onderwerpe soos snaarteorie, superswaartekrag, supersimmetrie en fisika. Hy is ook outeur van 'n aantal populêre wetenskaplike boeke naamlik Visions, Hyperspace, Einstein's Cosmos en Parallel Worlds, asook mede-outeur van Beyond Einstein met Jennifer Thompson. Hyperspace is 'n topverkoper en is aangewys as een van die beste wetenskaplike boeke van die jaar deur sowel die New York Times as die Washington Post.

In sy boek, Physics of the Impossible, ondersoek hy die tegnologie van onsigbaarheid, televoering, heldersiendheid, anti-materiese motore, tydsreise en meer. Dit alles word algemeen beskou as dinge wat nie vandag moontlik is nie, maar dalk wel in die toekoms.

Film en televisie

Kaku het al op verskeie media platforms en op talle programme en netwerke verskyn, waaronder Good Morning America, The Screen Savers, Larry King Live, 60 minute, Nightline, 20/20, Naked Science, CNN, ABC News, CBS News, NBC News, Al Jazeera English, Fox News Channel, The History Channel, The Science Channel, Die Discovery Channel, TLC, Countdown with Keith Olbermann, die Art Bell Show en die opvolger daarvan, Coast to Coast AM en die Opie & Anthony Show en The Covino & Rich Show.

In 2005 verskyn Kaku in die kort dokumentêre prent Obsessed & Scientific. Die film gaan oor die moontlikheid van tydsreise en die mense wat daaroor droom. Dit is vertoon tydens die Montreal World Film Festival.

Kaku het ook verskyn in die ABC-dokumentêr UFOs: Seeing Is Believing, waarin hy suggereer dat alhoewel hy van mening is dat dit uiters onwaarskynlik is dat buiteaardse wesens ooit werklik die Aarde besoek het, mens jou gedagtes behoort oop te hou vir die moontlike bestaan van beskawings wat die mensdom 'n miljoen jaar vooruit is wat tegnologiese vordering betref. Hy het ook kommentaar gelewer oor die toekoms van die verkenning van interstellêre buiteaardse lewe in die Alien Planet reeks op Discovery Channel.

Werke

• Kaku, Michio; Trainer, Jennifer, eds. (1982). Nuclear Power: Both Sides. New York: Norton. ISBN 0-393-01631-5.
• Kaku, Michio; Jennifer Trainer Thompson (1987). Beyond Einstein: Superstrings and the Quest for the Final Theory. Oxford: Oxford University Press. ISBN 0-19-286196-4.
• Kaku, Michio; Daniel Axelrod (1987). To Win a Nuclear War: The Pentagon's Secret War Plans. Boston: South End Press. ISBN 0-89608-321-7.
• Kaku, Michio (1993). Quantum Field Theory: A Modern Introduction. New York: Oxford University Press. ISBN 0-19-507652-4.
• Kaku, Michio (1994). Hyperspace: A Scientific Odyssey Through Parallel Universes, Time Warps, and the Tenth Dimension. Oxford: Oxford University Press. ISBN 0-19-286189-1.
• Kaku, Michio (1998). Visions: How Science Will Revolutionize the 21st Century. New York: Oxford University Press. ISBN 0-19-288018-7.
• Kaku, Michio (1999). Introduction to Superstrings and M-Theory. New York: Springer. ISBN 0-387-98589-1.
• Kaku, Michio (1999). Strings, Conformal Fields, and M-Theory. New York: Springer. ISBN 0-387-98892-0.
• Kaku, Michio (2004). Einstein's Cosmos: How Albert Einstein's Vision Transformed Our Understanding of Space and Time. London: Weidenfeld & Nicolson. ISBN 0-297-84755-4.
• Kaku, Michio (2004). Parallel Worlds: The Science of Alternative Universes and Our Future in the Cosmos. London: Allen Lane. ISBN 0-7139-9728-1.
• Kaku, Michio (2008). "M-Theory: The Mother of All Superstrings" in Riffing on Strings: Creative Writing Inspired by String Theory. New York: Scriblerus. ISBN 978-0-9802114-0-5.
• Kaku, Michio (2008). Physics of the Impossible. New York: Doubleday. ISBN 978-0-385-52069-0.
• Kaku, Michio (2011). Physics of the Future: How Science will Shape Human Destiny and our Daily Lives by the Year 2100. New York: Doubleday. LCCN 2010026569.
• Kaku, Michio (2014). The Future of the Mind: The Scientific Quest to Understand, Enhance, and Empower the Mind. New York: Doubleday. ISBN 978-0385530828.
• Kaku, Michio (2018). The Future of Humanity: Terraforming Mars, Interstellar Travel, Immortality, and Our Destiny Beyond Earth. New York: Doubleday. ISBN 978-0385542760.

Dokumentêre

• We Are the Guinea Pigs (1980)

• Borders (1989)

• Synthetic Pleasures (1995)

• Einstein Revealed (1996)

• Future Fantastic (1996)

• Stephen Hawking's Universe (1997)

• Bioperfection: Building a New Human Race (1998)

• Exodus Earth (1999)

• Me & Isaac Newton (1999)

• Space: The Final Junkyard (1999)

• Big Questions (2001)

• Parallel Universes (2001)

• Horizon: "Time travel" (2003)

• Robo sapiens (2003)

• Brilliant Minds: Secret Of The Cosmos (2003)

• Nova: "The Elegant Universe" (2003)

• Hawking (2004)

• The Screen Savers (2004)

• Unscrewed with Martin Sargent (2004)

• Alien Planet (2005)

• ABC News "UFOs: Seeing Is Believing" (2005)

• HARDtalk Extra (2005)

• Last Days on Earth (2005)

• Obsessed & Scientific (2005)

• Horizon: "Einstein's Unfinished Symphony" (2005)

• Prophets of Science Fiction (2006)

• Time (2006)

• 2057 (2007)

• The Universe (2007)

• Futurecar (2007)

• Attack of the Show! (2007)

• Visions of the Future (2008)

• Horizon: "The President's Guide to Science" (2008)

• Stephen Hawking: Master of the Universe (2008)

• Horizon: "Who's Afraid of a Big Black Hole" (2009–2010)

• Sci Fi Science: Physics of the Impossible (2009-2010)

• How the Universe Works (2010)

• Through the Wormhole (2010-2013)

• Aliens: The Definitive Guide (2013)

Bron

• Hierdie artikel is vertaal vanuit die Nederlandse Wikipedia