Mikhail Khodorkovsky
Mikhail Borisovich Khodorkovsky (Russies: Михаи́л Бори́сович Ходорко́вский; geb. 22 Junie 1963 in Moskou) was ’n Russiese oligarg[1] en sakeman. Hy was in 2004 die rykste man in Rusland en een van die rykstes in die wêreld (16de op Forbes se lys van miljardêrs). Hy woon nou in Switserland as ’n uitgewekene nadat hy meer as 10 jaar in die tronk was.
Mikhail Khodorkovsky | |
|---|---|
 Mikhail Khodorkovsky in 2013 nadat hy vrygelaat is | |
| Gebore | Mikhail Borisovich Khodorkovsky 26 Junie 1963 |
| Nasionaliteit |  Rusland |
| Beroep | Hoof van die Bank Menatep (1990–hede) Adjunkminister van Energie (1993) Voorsitter en hoof uitvoerende beampte van Joekos (1997–2004) The New Times rubriekskrywer (2011–hede) |
| Eggenoot | Elena Dobrovolskaya (geskei) Inna Khodorkovskaya |
| Kinders | 4 |
Loopbaan
wysig
Hy het sy pad opgewerk in die Kommunistiese Party en in die tydperk van glasnost en perestroika verskeie besighede begin. Ná die verbrokkeling van die Sowjetunie het hy ’n fortuin gemaak uit die ontwikkeling van Siberiese olievelde as die hoof van Joekos, een van die grootste Russiese maatskappye wat ontstaan het uit die privatisering van staatsbates in die 1990's.
Hy is in Oktober 2003 in hegtenis geneem op aanklagte van bedrog. Die regering onder Wladimir Poetin het Joekos bankrot verklaar en die maatskappy se bates is teen ’n laer prys as die markwaarde op ’n veiling verkoop, met die grootste deel wat gekoop is deur die staatsmaatskappy Rosneft.[2] Khodorkovsky is skuldig bevind en in Mei 2005 tot nege jaar tronkstraf gevonnis. Terwyl hy nog sy tronkstraf uitgedien het, is hy in Desember 2010 aan nog aanklagte van geldverduistering en geldwassery skuldig bevind. Sy tronkstraf is verleng tot in 2017.
Daar is bespiegel dat sy skuldigbevinding polities gemotiveerd was. Dit is deur ’n groot deel van die internasionale media beskou as weerwraak vir Khodorkovsky se skenkings aan beide liberale en kommunistiese teenstanders van die Kremlin.[3][4][5]
Einde 2013 het Poetin Khodorkovsky begenadig en is hy vrygelaat. Hy het Rusland onmiddellik verlaat en woon sedertdien in Switserland, waar hy verblyfreg gekry het.[6] Ná sy vrylating is sy persoonlike rykdom op rofweg $100 miljoen tot $250 miljoen (R1,175 miljard tot R2,9 miljard) geraam.[7] Einde 2014 was hy glo sowat $500 miljoen (R5,875 miljard) werd, hoewel hy daarop aandring dit is slegs $100 miljoen.[8]
Verwysings
wysig- ↑ Khodorkovsky: an oligarch undone – BBC News, 31 Mei 2005
- ↑ How to Steal Legally The Moscow Times, 15 Februarie 2008 (uitg. 3843, bl. 8).
- ↑ Parfitt, Tom (27 Desember 2010). "WikiLeaks: rule of law in Mikhail Khodorkovsky trial merely 'gloss'". The Guardian (in Engels). VK. Geargiveer vanaf die oorspronklike op 11 Maart 2013. Besoek op 28 Desember 2010.
- ↑ Parfitt, Tom (27 Desember 2010). "WikiLeaks: rule of law in Mikhail Khodorkovsky trial merely 'gloss'". The Guardian. VK. Besoek op 28 Desember 2010.[dooie skakel]
- ↑ "Russian businessmen declared prisoners of conscience after convictions are upheld" (in Engels). Amnesty International. Geargiveer vanaf die oorspronklike op 8 September 2014. Besoek op 29 September 2011.
- ↑ "Mikhail Khodorkovsky granted residency in Switzerland". Guardian (in Engels). VK. 30 Maart 2014. Geargiveer vanaf die oorspronklike op 27 April 2020. Besoek op 28 Januarie 2015.
- ↑ Сколько денег у Ходорковского: попытка оценки Читайте подробнее на deur Леонид Бершидский,23.12.2013, Forbes Russia
- ↑ "Remote Control". The New Yorker. VS. 12 Januarie 2015. Besoek op 28 Januarie 2015. deur Julia Ioffe.
Eksterne skakels
wysig
Wikimedia Commons het meer media in die kategorie Mikhail Khodorkovsky.
Hierdie artikel is vertaal uit die Engelse Wikipedia
