Minstreel

'n Minstreel was 'n middeleeuse kunstenaar wat verbonde was aan 'n beskermheer.

'n Minstreel tydens 'n middeleeuse mark in New York

Die woord is verwant aan minister (dienaar). Die "min" in minstreel het egter niks te make nie met die "minne" (liefde) in minnesanger nie.

Die minstreel het onder andere liedere gesing, musiek gespeel, poësie geskryf en verhale vertel–veral oor aktuele gebeure en persone. Die minstrele het onderling soms verbale tweegevegte uitgevoer. Minstrele het selfs gekomponeer en komposisies van andere of volksliedjies na hul optredes gebring.

'n Minstreel het, anders as 'n jongleur, 'n vaste betrekking by byvoorbeeld 'n kasteel gehad. Minnesangers of troebadoers was meer verfynd en poëties as minstrele, maar die skeidslyn tussen die verskillende spelers was soms vaag.

Sien ook

• Hanswors

Bronnelys

• Minstrelen
• L. M. Wright, 'Misconnceptions concerning the Troubadours, Trouvères and Minstrels', in: Music & Letters, Vol. 48, Nr. 1 (1967), pp. 35-39