Modest Moessorgski

(Aangestuur vanaf Moessorgski)

Modest Petrowitsj Moessorgski (Russies: Моде́ст Петро́вич Му́соргский, [mɐˈdɛst pʲɪˈtrovʲɪtɕ ˈmusərkskʲɪj]; 1839–1881) was 'n Russiese komponis wat in Karewo gebore is. Hy het klavierlesse by sy moeder ontvang. As militêre kadet in St. Petersburg het die jong Moessorgski verbasende weetgierigheid en uiteenlopende belangstellings aan die dag gelê en daarbenewens ook sy musiekstudies voortgesit. In 1856, as 17-jarige luitenant, het Moessorgski met Borodin en Dargomisjki kennis gemaak, terwyl die musiek van Glinka sy belangstelling gewek het.

Modest Moessorgski
Modest Músorgski, por Iliá Repin.jpg
Modest Moessorgski in 1881
Agtergrondinligting
GeboortenaamModest Petrowitsj Moessorgski
Gebore(1839-03-21)21 Maart 1839
Karewo, naby Pskof, Russiese Keiserryk
Sterf28 Maart 1881 (op 42)
Sint Petersburg, Russiese Keiserryk
GenresTeater, klassieke musiek en opera
Beroep(e)Pianis, komponis, militaris
InstrumenteKlavier

Hy het verdere musiekopleiding van Balakiref ontvang, en na 'n aantal komposisies (waarvan die sangsiklus Die kinderkamer en die opera Die huwelik belangrik is het Moessorgski in 1869 met sy operameesterstuk Boris Godoenof begin. Moessorgski, aangevuur deur sy belangstelling in die Russiese geskiedenis, het self Boris se teks geskryf. Dit is op die drama van Aleksander Poesjkin (1799–1837) en op die Russiese geskiedenis gebaseer.

Die eerste opvoering in 1874 was baie geslaagd. Na die vroeë dood van 'n geliefde het Moessorgski nooit getrou nie en sy lewe het al hoe eensamer geword. Hy het uiteindelik 'n volslae alkoholis geword. Die opera Kowantsjina het onvoltooid gebly, maar ondanks sy ellende en die vervreemding van sy vriende, het Moessorgski begin werk aan Die kermis by Sorotsjinsk, wat op ’n verhaal van Nikolai Gogol gebaseer is.

Hy is in 1881 in 'n hospitaal in Sint Petersburg oorlede. Moessorgski se operas, veral Boris Godoenof, toon sy dramatiese tegniek wat berus op die plasing van sterk gekarakteriseerde individue teen 'n agtergrond van die land en die volk. Sy liedere beskryf tonele uit die Russiese lewe met groot insig. Sy belangrikheid en invloed as komponis is buite verhouding tot sy klein opbrengs, maar min komponiste was meer oorspronklik en moedig in hul musiek.

BronnelysWysig

Eksterne skakelsWysig

  •   Wikimedia Commons het meer media in die kategorie Modest Moessorgski.
  • (en) "Modest Mussorgsky". Encyclopædia Britannica. Besoek op 4 September 2019.