Monarch Airlines
Monarch Airlines was 'n Britse lugredery gebaseer op Londen se Luton-lughawe,[2] en het geskeduleerde vlugte bedryf na bestemmings om die Middellandse See, die Kanariese Eilande, Ciprus, Egipte, Griekeland en Turkye, met bykomende huurvlugdienste na Europa, die Verenigde State van Amerika, die Karibiese Eilande, Indië en Afrika.
 | |||||||
| |||||||
| Gestig | 5 Junie 1967 | ||||||
|---|---|---|---|---|---|---|---|
| Eerste vlug | 5 April 1968 | ||||||
| Laaste vlug | 2 Oktober 2017[1] | ||||||
| Bedryfsbasisse |
| ||||||
| Lojaliteitsprogram | Vantage Club | ||||||
| Vlootgrootte | 35 (met sluiting) | ||||||
| Bestemmings | 43 (met sluiting) | ||||||
| Hoofkantoor | Lughawe Londen-Luton Luton, Verenigde Koninkryk | ||||||
| Webwerf | http://www.monarch.co.uk | ||||||
Die lugredery was besit deur Globus Travel Group, met sy hoofkantoor by Luton en ook basisse by Birmingham, East Midlands, Leeds/Bradford, Gatwick en Manchester-lughawe. Monarch was destyds die oudste Britse lugredery wat nie sy oorspronklike naam verander het nie. Dit het werk verskaf aan ongeveer 3 000 werknemers.[3]
Monarch Airlines het meer as 6,8 miljoen passasiers in 2013 vervoer, 'n toename van 8% in vergelyking met 2012 en 'n rekord vir die lugredery. Die maatskappy het oor 'n "Tipe A" operateurslisensie van die Verenigde Koninkryk Burgerlugvaartowerheid beskik, wat dit gemagtig het om passasiers, vrag en pos op vliegtuie met 20 of meer sitplekke te vervoer.[4]
Vliegtuigvloot
wysigMonarch se vloot het uit 30 vliegtuie bestaan: 4 Airbus A300, 5 Airbus A320, 16 Airbus A321, 2 Airbus A330 en 3 Boeing 757-vliegtuie.
Monarch het 6 Boeing 787 Dreamliners bestel wat in 2013 afgelewer moes word, maar het daarna hul bestelling gekanselleer.
Voorvalle
wysigMonarch Airlines het 2 voorvalle gehad, maar niemand het omgekom nie. Op 22 Mei 2002 het 'n Monarch Boeing 757s se landingstel ingegee omdat die vlieënier die voorwiele te vinnig neergeplaas het tydens die landing op Gibraltar-lughawe.
Op 17 Maart 2006 het die vlugbemanning van 'n Boeing 757-200 sigkontak met die aanloopbaan verloor tydens 'n poging om op die Gibraltar-lughawe te land. Gedurende die daaropvolgende rondomvlug het die vliegtuig byna in die Rots van Gibraltar vasgevlieg. Die vliegtuig is daarna herlei na Málaga om 'n soortgelyke probleem te voorkom.
Verwysings
wysig- ↑ "Monarch Airlines has ceased trading". CAA. Civil Aviation Authority. Besoek op 2 Oktober 2017.
- ↑ Monarch Airlines. Besoek op 6 November 2010.
- ↑ Monarch feite & syfers
- ↑ "Operateurslisensie". Geargiveer vanaf die oorspronklike op 11 Maart 2007. Besoek op 21 Augustus 2014.
| Hierdie artikel is in sy geheel of gedeeltelik vanuit die Engelse Wikipedia vertaal. |
