Moncada-kaserne
Die Moncada-kaserne was 'n militêre kaserne in Santiago de Cuba wat na generaal Guillermón Moncada, 'n held van die Kubaanse onafhanklikheidsoorlog vernoem is. Op 26 Julie 1953 is die kaserne deur 'n klein groepie revolusionêre wat deur Fidel Castro gelei is aangeval. Die gewapende aanval word algemeen as die begin van die Kubaanse Revolusie beskou. Die datum van die aanval, 26 Julie, is as die naam van Castro se revolusionêre beweging gebruik (Movimiento 26 Julio of M 26-7).
Die aanval was onsuksesvol en Castro is 15 jaar gevangenisstraf vir sy aandeel daarin opgelê. Hy begin in die tronk om aan sy toespraak getiteld, "Die geskiedenis sal my kwytskel" te werk. Die toespraak is bladsy vir bladsy uit die tronk gesmokkel en is later gepubliseer.
Al die rebelle is in 1955 vrygestel nadat Fulgencio Batista amnesie daartoe verleen het. Die beweging het uiteindelik Batista se diktatuur in 1959 omver gewerp.
Eksterne skakels
wysig
Wikimedia Commons het meer media in die kategorie Moncada-kaserne.- (en) Castro se toespraak, "History Will Absolve Me"
