Mount Isa is 'n stad in noordwestelike Queensland, Australië. Die stad het tot stand gekom weens die groot hoeveelheid minerale en grondstowwe in die omgewing. Daar word gesê dat Mount Isa Mines (deel van die Xstrata Geargiveer 9 Junie 2005 op Wayback Machine-groep) een van die mees produktiewe myngroepe ter wêreld is, gebaseer op die totale ontginning van lood, silwer, koper en sink.

Mount Isa
Ligging van Mount Isa in Australië
Ligging van Mount Isa in Australië
Koördinate: 20°44′0″S 139°30′0″O / 20.73333°S 139.50000°O / -20.73333; 139.50000Koördinate: 20°44′0″S 139°30′0″O / 20.73333°S 139.50000°O / -20.73333; 139.50000
StaatVlag van Australië Australië
Deelstaat Queensland
Stigting1923
Hoogte
356 m (1 168 ft)
Bevolking
 • Totaal18 857
TydsoneUTC+10 (AEST)

Geskiedenis wysig

Kort nadat John Campbell Miles in 1923 die ryk silwer-lood-naat by die westelike deel van Cloncurry ontdek het, is Mount Isa gestig. Koper en sink word ook in hierdie omgewing gemyn. Terwyl koper en lood by die Mount Isa-aanleg verwerk word, word anodes en sink-konsentraat 900 km per trein na die stad Townsville aan die ooskus vervoer. Die myn is baie kenmerkend van Mount Isa, met die lood-skoorsteen (gebou in 1978) wat 270 m hoog staan en sigbaar is van oral op die dorp.

Plaaslike Regering wysig

Mount Isa Stadsraad bestuur die hele omgewing van 42 904 km², asook die voorstad Camooweal wat 188 km na die weste van Mount Isa geleë is. Mount Isa was in 'n stadium die houer van die rekord vir die grootste stad ter wêreld, gebaseer op oppervlak, met 'n inskrywing in die Guinness Book of Records. Dít, ten spyte daarvan dat Kalgoorlie-Boulder in Wes-Australië asook die munisipaal beheerde omgewing van Chongqing in China aansienlik groter is.

Kultuur wysig

Met 'n bevolking van 21 421 (ABS Junie 2006 beraming[1]), is Mount Isa 'n groot administratiewe gebied vir die omgewing. Alhoewel die stad in 'n droë omgewing geleë is, verskaf die mensgemaakte Meer Moondarra in die noorde van Mount Isa-distrik water vir drinkdoeleindes, sowel as 'n ontspanningsgebied vir die beoefening van verskeie watersportsoorte. Mount Isa is ook welbekend in Queensland vir sy jaarlikse Isa Rodeo, asook die Mardi Gras-straatoptog wat rondom dieselfde tyd plaasvind. Meer as 50 verskillende nasionaliteite word verteenwoordig in Mount Isa, waaronder 'n hele aantal Suid-Afrikaners.

Vervoer wysig

Mount Isa word bedien deur die "Inlander", 'n Queensland Rail-beheerde passasiertrein wat twee maal per week na en van Townsville vertrek.

Mount Isa Lughawe is ongeveer 10 km buite die woongebied en daaglikse vlugroetes tussen Brisbane, die staat se hoofstad, asook Townsville en Cairns in die noordooste word onderskeidelik gediens deur die lugrederye QANTAS en MacAir. Vlugroetes na verskeie ander kleiner dorpe is ook beskikbaar.

Opleiding wysig

Daar is twee hoërskole in Mount Isa, die Spinifex Staatskollege Geargiveer 29 Mei 2007 op Wayback Machine en Good Shepherd Katolieke Kollege Geargiveer 8 Junie 2007 op Wayback Machine. Die Spinifex hoërskool het drie kampusse in Mount Isa, nl. die Junior kampus (graad 8 – 10), Senior Kampus (graad 11 – 12) en die Spinifex-koshuis. Laasgenoemde is uniek omdat dit die enigste staatsbeheerde koshuis van sy soort in Queensland is.

Tersiêre Opleiding

James Cook University het een van sy kampusse in Mount Isa, die sogenaamde "Centre for Rural and Remote Health".

Klimaat wysig

Klimaatstabel
Jan Feb Mar Apr Mei Jun Jul Aug Sep Oct Nov Des Jaar
Gemiddelde daaglikse maksimum temperatuur (°C) 36.4 35.3 34.3 31.8 27.8 24.9 24.7 27.2 31.1 34.6 36.4 37.1 31.8
Gemiddelde daaglikse minimum temperatuur (°C) 23.8 23.5 21.8 18.6 13.9 10.1 8.6 10.3 14.3 18.5 21.4 23.0 17.3
Gemiddelde totale reënval (mm) 110.6 99.4 65.6 16.5 13.1 3.8 6.4 4.1 6.9 20.5 34.2 70.7 454.3
Gemiddelde aantal dae van reën 7.8 7.3 4.2 1.5 1.2 0.5 0.6 0.6 0.8 2.5 3.9 5.7 36.6
Bron: Bureau of Meteorology

Eksterne Skakels wysig

Verwysings wysig

Hierdie artikel is 'n vertaling van die Engelse Wikipedia artikel Mount Isa
  1. Australiese Buro vir Statistiek, [1] [Besoek op 17 Junie 2007]