Mummie van San Andrés
Die Mummie van San Andrés is 'n menslike mummie wat deel uitmaak van die Guanche-kultuur (ou inwoners van die Kanariese Eilande in Spanje).
Die mummie is gevind in 'n grot in 'n kloof buite die dorp San Andrés in Santa Cruz de Tenerife. Die streek van die eiland Tenerife waar die mummie gevind is, die Anaga-massief, is ryk aan argeologiese ontdekkings. Die mummie is van 'n man tussen 25 en 30 jaar oud en is vermoedelik 'n mencey (koning) of ander leiersfiguur in die Guanche-samelewing van sy tyd.
Die mummie is tans in die Museo de la Naturaleza y el Hombre van Santa Cruz de Tenerife.[1]
