Murat IV
Murat IV Ghazi (Ottomaanse Turks: مراد رابع, moderne Turks: IV.Murat; 26/27 Julie 1612 – 8/9 Februarie 1640) was van 1623 tot 1640 sultan van die Ottomaanse Ryk.
| Murat IV | |
|---|---|
| Sultan van die Ottomaanse Ryk Kalief van Islam | |
 | |
| Volle naam | Sultan Murat IV Ghazi |
| Ottomaanse naam | مراد رابع |
| Tydperk | 1623–1640 |
| Stadium | Groei van die Ottomaanse Ryk |
| Huis | Osman |
| Voorganger | Mustafa I |
| Opvolger | Ibrahim |
| Toegra | 
|
Hy was bekend vir die herstel van die mag van die staat asook die wreedheid van sy metodes. Murat was die seun van sultan Ahmet I en Kösem Sultan. Hy het in 1623 aan die bewind gekom ná ’n paleis-sameswering toe hy sy oom Mustafa I opgevolg het. Hy was net 17 jaar oud toe hy sultan word.
Bewind
wysigSy ma het vir ’n lang tyd namens hom regeer. Ná opstande en ’n rebellie deur die paleiswag was Murat bang hy sou soos sy ouer broer, Osman II, vermoor word en het besluit om sy mag te laat geld.
Hy het korrupsie probeer stopsit en alkohol, koffie en tabak in Istanboel verbied.[1] Enigiemand wat die verbod verbreek het, is tereggestel. Hy het self saans die strate in burgerlike klere gepatrolleer. Hy was ’n groot, lang en dapper man wat self sy leërs aangevoer het.
Murat IV, wat alkohol verbied het, is in 1640 dood aan sirrose van die lewer. Op sy sterfbed het hy opdrag gegee dat sy broer, Ibrahim, vermoor word. Dit sou die einde van die Ottoman-lyn gewees het. Die opdrag is egter nie uitgevoer nie en Ibrahim het hom opgevolg.
Verwysings
wysig- Hierdie artikel is merendeels vertaal vanaf die Engelse Wikipedia-artikel en:Murat IV
- ↑ Hopkins, Kate (24 Maart 2006). "Food Stories: The Sultan's Coffee Prohibition" (in Engels). Geargiveer vanaf die oorspronklike op 5 Maart 2012. Besoek op 12 September 2006.