Museum of London

Museum of London

in die Barbican Centre

Londen
 Verenigde Koninkryk

---

Stigting

1976

---

Direkteur

Sharon Ament

---

Toegang

Gratis vir die publiek

---

Moltreinstasies



St Paul's (300 m)
Barbican (300 m)
Moorgate (600 m)

---

Webtuiste
museumoflondon.org.uk

Die Museum of London dokumenteer die geskiedenis van Londen vanaf die prehistoriese tydperk tot die moderne tyd. Die museum is naby die ou stadsmuur, London Wall, en die Barbican Centre geleë en maak deel uit van die Barbican-gebouekompleks wat in die 1960's en 1970's ontstaan het toe 'n buurt in die City of London, wat gedurende die Tweede Wêreldoorlog swaar deur Duitse bomaanvalle geraak is, op 'n innovatiewe manier herontwikkel is.

Die Museum of London se pronkstuk is die seremoniële koets van die Lord Mayor, die burgemeester van die City of London, wat jaarliks vir die feestelike Lord Mayor's Show-optog in November gebruik word

'n Plakkaat wat die Anglo-American Exposition geadverteer het wat tussen Mei en Oktober 1914 in Londen gehou is

Die museum is binne kort loopafstand van die St. Paul's-katedraal op die hoek van een van die oudste buurte in die Britse hoofstad en vlakby die oorblyfsels van die Romeinse stadsmuur geleë. Dit word gemeenskaplik bestuur en befonds deur die City of London Corporation en die Greater London Authority (GLA), die strategiese bestuursliggaam vir Groter Londen.

In Maart 2015 het die Museum planne aangekondig om sy uitstallings vanaf die Barbican-kompleks na die nabygeleë Smithfield Market te verskuif. Die koste vir dié verskuiwing, wat teen 2021 voltooi sal wees, word op £70 miljoen beraam.

Eksterne skakels

• Wikimedia Commons het meer media in die kategorie Museum of London.
• (en) Amptelike webwerf