My Fundi
Tipe webblad Ensiklopedie
Taal(e) Afrikaans en Engels
Registrasie Opsioneel
Huidige status Onaktief (besoek Desember 2018)
URL http://www.myfundi.co.za

My Fundi, voorheen bekend as die Suid-Afrikaanse Ensiklopedie (SAE), was 'n ensiklopedie wat gratis aanlyn beskikbaar gestel is. Dit het globale én plaaslike inhoud, kurrikulumbelynde onderwerpe, en gewaarmerkte inligting bevat.

Dit is geskryf deur ‘n breë paneel deskundiges wat globale inligting met 'n Suid-Afrikaanse en Afrika-fokus probeer kombineer het en sodoende 'n eenstop-navorsingstasie vir sowel professionele gebruikers soos onderwysers, leerders, skrywers, navorsers en joernaliste asook die algemene publiek gebied het.

MyFundi het meer as 6 000 gewaarmerkte artikels bevat - gevul met beeldmateriaal wat foto’s, illustrasies, kaarte en grafieke ingesluit het. Spesiale hulpmiddels het BBP-profiele, statistiek oor alle lande van die wêreld en ‘n vlagskip-afdeling oor Suid-Afrikaanse politiek ingesluit wat die land se transformasie vanaf apartheid tot demokrasie gevolg het. Dit het ook ‘n versameling artikels gebied wat spesifiek op Afrika gefokus het, van sy ou geskiedenis en ryk kultuur tot hedendaagse politiek en sosio-ekonomiese uitdagings.