Mzoli's
Mzoli's (ook bekend as Mzoli se Plek, Mzoli se Vleis of Mzoli se Slaghuis) is 'n slaghuis, bekende braairestaurant en informele nagklub in Gugulethu, 'n swart township digby Kaapstad.[1] Sedert Mzoli's in vroeg 2003 oopgemaak het, het die restaurant 'n populêre bymekaarkomplek vir Kaapstad se inwoners en 'n bekende toeristeaantreklikheid geword.[2] Desnieteenstaande het Mzoli's 'n reputasie onder Gugulethu se inwoners, weens kliënte se gereelde openbare dronkenskap en minagting van die plaaslike gemeenskap.[3][4] Mzoli's is genoem na sy stigter en eienaar, Mzoli Ngcawuzele.[5][6]
Die restaurant Mzoli's, wat naby Kaapstad Internasionale Lughawe lê, is in 2003 geopen met ondersteuning van die Development Bank of South Africa; dit het sedertdien gegroei tot 'n uithangplek vir die plaaslike gemeenskap sowel as toeriste.
Besoekers kan in die slaghuis hul vleis kies oor 'n toonbank. Nadat hul daarvoor betaal het, gaan hulle met die pak rou vleis na die braaiplek toe. Hier kan een van 'n volgende groep entrepreneurs "gekontrakteer" word om die vleis na smaak gaar te maak oor die kole. Terwyl daar gebraai word kan daar mieliepap en chakalaka ('n pikante kruiesous met 'n tamatiebasis) bestel word as bykosse by die vleismaaltyd. Daar is geen spesiale borde en eetgerei nie. Na die braai kan die vleis met die hand geëet word op die grasbedekte terras buitekant. Daar verseker die DJ's en dansende menigte vir die atmosfeer op maat van "Deep House"- en kwaito-musiek.
Sien ook
wysigVerwysings
wysig- ↑ Adami, Kelly (25 Augustus 2005). "They may be Legless, but they're going places". Financial Mail. Geargiveer vanaf die oorspronklike op 26 September 2006. Besoek op 17 September 2007.
- ↑ "Mzoli's - the ultimate user-generated restaurant" (in Engels). cherryflava. 2 Mei 2007. Geargiveer vanaf die oorspronklike op 3 Oktober 2011. Besoek op 17 September 2007.
- ↑ Zara Nicholson and Murray Williams (20 November 2006). "Tourists and DA councillor held in Gugs drinking raid". Cape Argus. Geargiveer vanaf die oorspronklike op 3 Januarie 2013. Besoek op 1 Oktober 2011.
- ↑ "Gugulethu residents to protest against new Mall backed by the famous Mzoli and Old Mutual" (in Engels). "Anti-Eviction Campaign". Geargiveer vanaf die oorspronklike op 3 Desember 2013.
- ↑ "Where would we go if it shut down?" (in Engels). City Vision. 25 November 2004. Geargiveer vanaf die oorspronklike op 15 April 2009. Besoek op 17 September 2007.
- ↑ Zama feni, Leila Samodien and Murray Williams (3 Januarie 2007). "Mzoli's new cross to bear" (in Engels). Independent Online. Geargiveer vanaf die oorspronklike op 2 Augustus 2002. Besoek op 17 September 2007.
33°58′35″S 18°34′11″O / 33.97639°S 18.56972°O
| Hierdie artikel is in sy geheel of gedeeltelik vanuit die Nederlandse Wikipedia vertaal. |
