Wikipedia

New General Catalogue of Nebulae and Clusters of Stars

(Aangestuur vanaf NGC)

Die New General Catalogue of Nebulae and Clusters of Stars (afgekort as NGC) is ’n bekende sterrekunde-katalogus van diepruimtevoorwerpe wat in 1888 deur John Louis Emil Dreyer opgestel is[1] as ’n nuwe weergawe van John Herschel se Catalogue of Nebulae and Clusters of Stars.

Die spiraalsterrestelsel NGC 3982 lê sowat 68 miljoen ligjare van die Aarde af in die sterrebeeld Groot Beer en kan met ’n klein teleskoop gesien word.

Inhoud

wysig

Die NGC bevat 7 840 voorwerpe, bekend as NGC-voorwerpe. Dit is een van die mees omvattende katalogusse omdat dit alle soorte diepruimtevoorwerpe insluit en nie net een soort soos byvoorbeeld sterrestelsels nie. Dreyer het twee byvoegsels tot die NGC gepubliseer bekend as die Index Catalogues (afgekort as IC). Die eerste een (1895) bevat 1 520 voorwerpe[2] en die tweede een (1908) 3 866 voorwerpe.[3] Dit is ’n totaal van 5 386 IC-voorwerpe.

Voorwerpe in die lugruim van die Suidelike Halfrond word nie so deeglik gedek nie, hoewel baie van hulle deur John Herschel of James Dunlop waargeneem is.

Hersiene weergawes

wysig

Daar was baie foute in die NGC, maar ’n ernstige poging om die meeste daarvan uit te skakel, is in 1993 deur die NGC/IC Project begin[4] ná minder geslaagde pogings deur Sulentic en Tifft met hul Revised New General Catalogue (RNGC) in 1973[5] en Sinnott met sy NGC2000.0 in 1988.[6][7]

Die Revised New General Catalogue and Index Catalogue (RNGC/IC) is in 2009 deur Wolfgang Steinicke gepubliseer.[8] Dit word beskou as een van die mees omvattende en gesaghebbende weergawes van die NGC en IC.[9][10]

Sien ook

wysig

Verwysings

wysig
  1. ↑ Corwin, H.G. jr. (12 Oktober 1999). "The NGC/IC Project: An Historical Perspective" (in Engels). The NGC/IC Project. Geargiveer vanaf die oorspronklike op 20 Februarie 2019. Besoek op 22 April 2012.
  2. ↑ Dreyer, J. L. E. (1878). "A Supplement to Sir John Herschel's "General Catalogue of Nebulae and Clusters of Stars"" (PDF). Transactions of the Royal Irish Academy. 26: 391–426. Bibcode:1878RIATr..26..381D. JSTOR 30079091.
  3. ↑ Dreyer, J. L. E. (1888). "A New General Catalogue of Nebulae and Clusters of Stars" (PDF). Memoirs of the Royal Astronomical Society. 49: 1–237. Bibcode:1888MmRAS..49....1D.
  4. ↑ Erdmann, R. E. (2010). "The NGC/IC Project" (in Engels). The NGC/IC Project. Geargiveer vanaf die oorspronklike op 19 Oktober 2019. Besoek op 22 April 2012.
  5. ↑ Sulentic, J. W.; Tifft, W. G. (1973). The Revised New Catalogue of Nonstellar Astronomical Objects. University of Arizona Press. ISBN 978-0-8165-0421-3.
  6. ↑ "NGC2000 – NGC2000.0: Complete New General Catalog and Index Catalog" (in Engels). Goddard Space Flight Center. Geargiveer vanaf die oorspronklike op 26 Junie 2019. Besoek op 22 April 2012.
  7. ↑ Sinnott, R. W. (1988). NGC 2000.0: The Complete New General Catalogue and Index Catalogues of Nebulae and Star Clusters. Sky Publishing. ISBN 978-0-933346-51-2.
  8. ↑ Steinicke, W. (17 Januarie 2012). "Revised New General Catalogue and Index Catalogue" (in Engels). Geargiveer vanaf die oorspronklike op 17 Oktober 2019. Besoek op 22 April 2012.
  9. ↑ Duerbeck, H. W. (2009). "Book Review: Nebel und Sternhaufen – Geschichte ihrer Entdeckung Beobachtung und Katalogisierung (Steinicke)". Journal of Astronomical History and Heritage. 12 (3): 255. Bibcode:2009JAHH...12..255D.
  10. ↑ Duerbeck, H. W. (2011). "Observing and Cataloguing Nebulae and Star Clusters. From Herschel to Dreyer's New General Catalogue (Steinicke)". Journal of Astronomical History and Heritage. 14 (1): 78. Bibcode:2011JAHH...14Q..78D.

Eksterne skakels

wysig
Ontsluit van "https://af.wikipedia.org/w/index.php?title=New_General_Catalogue_of_Nebulae_and_Clusters_of_Stars&oldid=2471082"