NG gemeente Coram Deo

Die NG Kerk Coram Deo is 'n gemeente van die Nederduitse Gereformeerde Kerk in die Sinode Goudland (voorheen Sinode van Wes-Transvaal).

Coram deo gemeentesentrum.jpg
Erediens in Coram Deo NG kerk in Risiville, Vereeniging.

Die gemeente is in 1967 gestig as die NG kerk Risiville. Die naam van die gemeente is na Coram Deo verander omdat dit beter uitdrukking gee aan die visie van die gemeente, naamlik om mense te begelei om voor en vir God te leef. Die kerkgebou is geleë op die hoek van Lucas- en Michaelstraat, Risiville, Vereeniging. In 2015 was die leraar dr. Floris Knouwds. Hy is een van die voorste kenners van huwelike en huwelikswerk in Suid-Afrika. Hy is ook 'n gevierde skrywer, spreker en opleier van huweliksberaders.

Coram Deo is 'n klein oopkop-gemeente wat in 2015 78 doop- en 238 belydende lidmate gehad het. Coram Deo bedien lidmate in Drie Riviere, Drie Riviere-Oos en Risiville in Vereeniging in die Vaaldriehoek. Eredienste is informeel met sommige lidmate wat om tafels sit en ander op (gemaklike) stoele. Die lering is soliede Woordverkondiging met genoegsame praktiese toepassing vir die alledaagse lewe. Tydens die erediens word voorsiening gemaak vir aparte dienste vir kleuters en laerskoolkinders. En ná die erediens kuier lidmate saam om 'n koppie koffie. Teen 10h15 is almal klaar en gaan gesinne saam huis toe. Sondagaande vanaf 18h00 is daar dan spesiale geleenthede vir die tieners.

Meer inligting kan bekom word by die gemeente se webblad by http://www.coramdeong.com.

BronneWysig

  • Small, Mario (samesteller). 2013. Jaarboek van die NG Kerke. Wellington: Tydskriftemaatskappy van die NG Kerk NPC - 'n divisie van Bybel-Media.

Eksterne skakelWysig