NG gemeente Elarduspark

Die NG gemeente Elarduspark is 'n gemeente van die Nederduitse Gereformeerde Kerk in Elarduspark, 'n voorstad in die ooste van Pretoria.

Elarduspark gemeente is in 1975 gestig en het in 2016 ongeveer 6 000 lidmate. Die gemeente word bedien deur 6 voltydse leraars. Dertig jaar gelede het die eerste lidmate 'n doelmatige kerkgebou ooreenkomstig die behoeftes van hulle tyd opgerig.

Die projeksies van stadsbeplanners in die laat sewentiger jare was dat hierdie gemeente nooit meer as 2 100 lidmate sou hê nie. Dit is gedoen in 'n tydvak toe duette, meenthuise, stapelsimplekse en die onderverdeling van landbouhoewes nog nie bestaan het nie. Nou is die gemeente bekend as een van die makrogemeentes in die NG Kerk.

Eksterne skakelsWysig