NG gemeente Herman Steyn

Die NG gemeente Herman Steyn is 'n gemeente van die Nederduitse Gereformeerde Kerk in die Sinode Goudland (voorheen Wes-Transvaal).

Ds. H.E. Steyn (2 Junie 1884 - 21 Mei 1956), na wie dié gemeente genoem is, is in September 1911 gevra om na die NG gemeente Heidelberg te gaan met die oog op die moontlike afstigting van die NG gemeente Vereeniging. Hy is op 21 Januarie 1913 op Vereeniging bevestig en het daar gewerk tot hy sy emeritaat in 1946 ná 'n 33 jaar lange dienstyd weens swak gesondheid moes aanvaar.

Ds. L.P. Spies, leraar van 1948 tot 1958.

Ds. C.J. Botha, leraar van 1960 tot 1963.

Die gemeente is in 1947 van die NG gemeente Vereeniging afgestig en was een van die 11 nuwe gemeentes wat in daardie jaar in die Transvaalse Kerk tot stand gekom het. Die kerkgebou is geleë by Senator Roodtweg 40, Duncanville, Vereeniging. In 2013 was die leraar ds. J.J. Redelinghuys. Daar was in daardie jaar 74 doop- en 484 belydende lidmate, vergeleke met 680 belydende lidmate en 1 140 siele 'n jaar ná afstigting.

Enkele leraars

• Lodewyk Petrus Spies, 1948 - 1958 (eerste leraar)
• Christoffel Johannes Botha, 1960 – 1963

Bronne

• Small, Mario (samesteller). 2013. Jaarboek van die NG Kerke. Wellington: Tydskriftemaatskappy van die NG Kerk NPC - 'n divisie van Bybel-Media.

Eksterne skakels

• (en) Die kerkgebou soos te sien op Google Maps. URL besoek op 27 November 2014.