NG gemeente Wonderboompoort

Ds. W.J.J. du Plessis was die leraar van 1957 tot 1958.
Ds. J.J. Fourie is skielik aan 'n hartaanval oorlede op 21 September 1958 terwyl hy medeleraar hier was.

Die NG gemeente Wonderboompoort is ’n gemeente van die Nederduitse Gereformeerde Kerk in die Pretoriase voorstad Mountain View.

StigtingWysig

Die gemeente wat die naam Wonderboompoort dra, is op 24 Junie 1951 van die moedergemeente Daspoort afgestig. Die ledetal van die gemeente het toe so om en by die vyfhonderd getel. Teen 1985 het dit toegeneem tot 1 424, maar in 2015 1088, met 247 dooplidmate.

Aan die begin was daar nog nie 'n eie kerk of kerksaal nie en toe was die gemeente besig om 'n eie saal te bou, wat vir die eredienste, verenigings, vergaderings, Sondagskool en ander byeenkomste in verband met die werksaamhede van die Kerk sou dien.

Eerste leraarWysig

Die jong gemeente was gelukkig om met die eerste beroep ná die afstigting suksesvol te wees, want so is ds. J.J. Fourie gelei om die beroep hierheen aan te neem. Sedert 1 Desember 1950 was ds. en mev. Fourie in die gemeente werksaam. In 1952 skryf Ons gemeentelike feesalbum: “Deur die goedheid en genade van die hemelse Vader kon hier ook al heelwat tot die eer en verheerliking van sy Naam gedoen word. So is die dienste en nagmaalsvieringe en bidure waargeneem en gelei, die verenigings gehou, asook 'n Bond van Dienaresse en Kinderkrans gestig. 'n Ywerige scriba en kassier, saam met die kerkraad, het ook al in die verlede hul deel bygedra. Aangesien die gemeente maar nog aan die begin van sy loopbaan staan, is hier dus nog nie veel om uit die verlede aan te haal nie.”

BronneWysig

Eksterne skakelsWysig