Nagtelike storting
’n Nagtelike storting, informeel bekend as ’n nat droom, is ’n spontane orgasme terwyl iemand slaap; dit sluit ejakulasie by mans in en vaginale nattigheid of ’n orgasme (of albei) by vroue. Dit kom meestal tydens die adolessensie en jong volwasse lewe voor, maar kan enige tyd ná puberteit gebeur.
Soms word ’n man wat ’n nat droom het wakker, maar hy kan ook daardeur slaap. Sommige navorsers meen egter ’n vrou moet wakker word en bewus wees van ’n orgasme voordat dit as ’n nat droom geld. Vaginale nattigheid is nie ’n aanduiding dat ’n vrou ’n orgasme bereik het nie.[1]
Gereeldheid
wysigIn ’n omvangryke studie het mans en vroue aangemeld sowat 8% van hul alledaagse drome hou verband met die een of ander vorm van seksuele aktiwiteit. Van dié drome het 4% vir albei geslagte in ’n orgasme geëindig.[2]
By mans
wysigDie voorkoms van nagtelike stortings wissel grootliks. Volgens sommige mans was dit vanweë seksuele onaktiwiteit vir ’n tydperk van een tot twee weke – wanneer hulle nie seks gehad of gemasturbeer het nie. Sommige mans het as tieners dikwels nat drome gehad, terwyl ander nog nooit een gehad het nie. In Amerika sal 83% van mans op die een of ander tyd in hul lewe ’n nagtelike storting hê.[3]
Vir mans wat nat drome het, wissel dit van 0,36 keer per week (sowat een keer in drie weke) vir 15-jarige enkellopendes tot 0,18 keer per week (sowat een keer in vyf en ’n half weke) vir 40-jarige enkellopendes. Vir getroude mans van 19 jaar was die gemiddelde 0,23 keer per week (sowat een keer per maand) en vir 50-jarige getroudes 0,15 keer per week (sowat een keer in twee maande).[4]
In sekere dele van die wêreld is nat drome meer algemeen. In Indonesië het opnames getoon 97% van mans het nagtelike stortings teen 24-jarige ouderdom.[5]
Sommige mans ondervind die storting net op ’n sekere ouderdom, terwyl ander hulle ná puberteit hul lewe lank het. Die gereeldheid van nagtelike stortings is nog nie uitsluitend verbind met die gereeldheid van masturbasie nie. Alfred Kinsey het gemeen mans wat minder masturbeer, kan meer nat drome hê.
Een faktor wat dit wel beïnvloed, is die neem van testosteroon-gebaseerde middels. In ’n 1998-studie deur Finkelstein en ander het die getal seuns wat gesê het hulle kry nat drome, gestyg van 17% van dié wat nie die middels geneem het nie tot 90% van dié wat groot dosisse geneem het.[6]
Sowat 13% van mans ervaar hul eerste ejakulasie tydens ’n nat droom.[7] Kinsey het bevind dié mans was tot ’n jaar ouer as dié wat hul eerste ejakulasie tydens masturbasie ervaar het.[8]
By vroue
wysigNes by mans wissel die gereeldheid van nat drome by vroue. In 1953 het Kinsey bevind byna 40% van die vroue wat hy ondervra het, het die een of ander vorm van nagtelike storting of nat droom gehad. Hulle het dit gewoonlik ’n paar keer per jaar gehad, en die eerste keer het gewissel van 13- tot 21-jarige ouderdom. Kinsey het ’n vroulike nagtelike storting beskou as seksuele opwekking tydens slaap wat hulle laat wakker word het met die waarneming van ’n orgasme.[1]
In navorsing is bevind meer seuns en mans het nagtelike stortings gehad as meisies en vroue, maar vroulike nat drome kan moeiliker wees om met sekerheid te eien as by mans, want mans se ejakulasie word gewoonlik verbind met ’n orgasme, terwyl nattigheid by vroue nie ’n aanduiding van ’n orgasme is nie.[1][9]
Verwysings
wysig- ↑ 1,0 1,1 1,2 "Do women have wet dreams, too?". Go Ask Alice!. 7 Mei 1999. Geargiveer vanaf die oorspronklike op 20 Januarie 2012. Besoek op 27 September 2012.
- ↑ American Academy of Sleep Medicine (15 Junie 2007). "Sexual Activity Reported In Dreams Of Men And Women". ScienceDaily.
- ↑ Kinsey, Alfred C. (1948). Sexual Behavior in the Human Male. p. 190. Besoek op 20 Oktober 2014.
- ↑ Kinsey, Alfred C. (1948). Sexual Behavior in the Human Male. p. 190. Besoek op 20 Oktober 2014.
- ↑ "Knowledge about Human Reproduction and Experience of Puberty" (PDF). Indonesia Young Adult Reproductive Health Survey 2002–2003. Badan Pusat Statistik (BPS-Statistics Indonesia), Jakarta, Indonesia; National Family Planning Coordinating Board, Jakarta, Indonesia; Ministry of Health, Jakarta, Indonesia, ORC Macro, Calverton, Maryland, U.S. p. 27. Besoek op 7 April 2011.
- ↑ Finkelstein, Jordan W.; Elizabeth J. Susman; Vernon M. Chinchilli; M. Rose D’Arcangelo; Susan J. Kunselman; Jacqueline Schwab; et al. (1998). "Effects of Estrogen or Testosterone on Self-Reported Sexual Responses and Behaviors in Hypogonadal Adolescents". The Journal of Clinical Endocrinology & Metabolism. The Endocrine Society. 83 (7): 2281–2285. doi:10.1210/jc.83.7.2281. Geargiveer vanaf die oorspronklike op 6 September 2013. Besoek op 7 April 2011.
- ↑ Kinsey, Alfred C. (1948). Sexual Behavior in the Human Male. p. 190. Besoek op 20 Oktober 2014.
- ↑ Kinsey, Alfred C. (1948). Sexual Behavior in the Human Male. p. 299. Besoek op 20 Oktober 2014.
- ↑ "Nocturnal Orgasm...or...Female wet dream?" (in Engels). Newsvine. September 2009. Geargiveer vanaf die oorspronklike op 12 Februarie 2018. Besoek op 29 Julie 2012.
Ander bronne
wysig- Kinsey, Alfred C.; Wardell B. Pomeroy; Clyde E. Martin (1948). Sexual Behavior in the Human Male. Philadelphia: W. B. Saunders Co.
Eksterne skakels
wysig- Video van ’n nagtelike storting by Wikimedia Commons
Hierdie artikel is vertaal uit die Engelse Wikipedia
