Nespresso
Nestlé Nespresso S.A. is 'n dogteronderneming van Nestle S.A., die wêreld se grootste voedselvervaardiger, wat in Lausanne, Switserland gesetel is. Dit bemark onder sy handelsmerk Nespresso klein porsies gemaalde espresso en koffie in aluminiumfoelie-kapsules, sowel as die koffiemasjiene en toebehore wat vir die outomatiese bereiding van koffie en espresso met Nespresso-kapsules benodig word.
| Nestlé Nespresso S.A. | |
.svg){kind=logo}  | |
| Tipe | Société anonyme |
|---|---|
| Gestig | 1986 |
| Hoofkantoor | Lausanne, Vaud,  Switserland
|
| Sleutelpersone | Jean-Marc Duvoisin (hoof uitvoerende beampte) |
| Gebied bedien | Wêreldwyd |
| Industrie | Koffiebedryf, kleinhandel |
| Produkte | Koffiekapsules en -masjiene |
| Werknemers | 13 500 (2017) |
| Moedermaatskappy | Nestlé S.A. |
| Webwerf | nespresso.com |
Nespresso-koffiemasjiene word onder lisensie van Nespresso onder meer deur De'Longhi (Treviso, Italië) en Krups (Solingen, Duitsland) vervaardig. Die Australiese vervaardiger Breville (Alexandria, Sydney) het 'n premiumreeks espresso- en koffiemasjiene met melkskuimer vir Nespresso ontwikkel.
Koffie, wat onder die Nespresso-handelsmerk in kapsules verkoop word, word uitsluitlik in drie roosterye vervaardig in Switserland – geleë in Avenches, Orbe (albei in die kanton Vaud/Waadt) en Romont (kanton Fribourg/Freiburg). Nespresso het meer as 2 000 werknemers in Switserland in diens.[1]
Nadat Nestlé Nespresso S.A. se oorspronklike patent op sy koffie- en espressokapsules in 2011 verval het, het ook ander aanbieders van kapsules vir gebruik in Nespresso-koffiemasjiene tot die mark toegetree, ook Suid-Afrikaanse ondernemings.[2]