Neue Deutsche Todeskunst

Die term Neue Deutsche Todeskunst, kort NDT, is vanaf die vroeë 1990's gebruik om na 'n Duitstalige musiekstroming in die konteks van Gothic Rock en Dark Wave te verwys. Die verbindende element van die beweging was die behandeling van onderwerpe soos dood, verganklikheid, Weltschmerz, nihilisme, surrealisme, eksistensialisme, kritiek op godsdiens, geweld, kranksinnigheid en isolasie.

Das Ich, 'n Duitse musiekgroep wat binne die genre val

Aan die Neue Deutsche Todeskunst-beweging word die vestiging van die Duitse taal binne die Dark Wave-beweging toegeskryf, alhoewel daar al vroeër groepe soos Xmal Deutschland, Geisterfahrer of Malaria! was wat hulle op musiek met Duitse liedtekste toegespits het.[1]

VerwysingsWysig

  1. Peter Matzke en Tobias Seeliger: Das Gothic- und Dark-Wave-Lexikon, 2002, bl. 311