Nguyễn Xuân Phúc
Nguyễn Xuân Phúc (gebore op 20 Julie 1954) is 'n Viëtnamese politikus wat tussen April 2021 en Januarie 2023 as die president van die die Sosialistiese Republiek Viëtnam gedien het. Voor sy verkiesing as president het hy as die land se premier tussen April 2016 en April 2021 gedien. Nguyễn Xuân Phúc was ook 'n volwaardige lid van die Nasionale Vergadering. Nguyễn Xuân Phúc het op 12 November 1983 lid geword van die Kommunistiese Party van Vietnam.
| Nguyễn Xuân Phúc | |
 Nguyễn Xuân Phúc in 2022 | |
11de president van Viëtnam
| |
| Ampstermyn 5 April 2021 – 18 Januarie 2023 | |
| Vise | Võ Thị Ánh Xuân |
|---|---|
| Eerste minister | Phạm Minh Chính |
| Voorafgegaan deur | Nguyễn Phú Trọng |
| Opgevolg deur | Võ Văn Thưởng |
7de Eerste Minister van Viëtnam
| |
| Ampstermyn 7 April 2016 – 5 April 2021 | |
| Vise | Trương Hòa Bình |
| President | Trần Đại Quang Đặng Thị Ngọc Thịnh (waarnemend) Nguyễn Phú Trọng |
| Voorafgegaan deur | Nguyễn Tấn Dũng |
| Opgevolg deur | Phạm Minh Chính |
Lid van die Nasionale Vergadering
| |
| Ampstermyn Junie 2007 – 18 Januarie 2023 | |
Persoonlike besonderhede
| |
| Gebore | 20 Julie 1954 Quế Sơn-distrik, Quảng Nam, Viëtnam |
| Politieke party | Kommunistiese Party van Viëtnam |
| Eggenoot/-note | Trần Thị Nguyệt Thu |
| Kind(ers) | 2 |
| Alma mater | Nasionale Ekonomie Universiteit Nasionale Akademie vir Publieke Administrasie Nasionale Universiteit van Singapoer |
| Handtekening | 
|
Nguyễn Xuân Phúc het tussen 1973 en 1978 ekonomiese bestuur aan die Hanoi Nasionale Ekonomiese Universiteit gestudeer, waarna hy administratiewe bestuur aan die Vietnam National Administrative Academy studeer het. Vanaf 1978 tot 1979 was hy werksaam by Quảng Nam-Dà Nang Ekonomiese Raad. Van 1980-1993 het Phúc aanvanklik as 'n werknemer gewerk voordat hy opgetree het as adjunkhoof van Quảng Nam - ẵà Nẵng se People's Committee. Phúc het daarna in verskillende rolle gedien, waaronder dié van provinsiale president, direkteur van regeringskantore, voordat hy adjunk-premier geword het (2011-2016). Hy is op 5 April 2021 tot president van die land verkies.[1]
Weens korrupsieskandale het hy op 18 Januarie 2023 van al sy regeringsposte en leierskapsposisies in die Kommunistiese Party bedank.
Biografie wysig
Nguyễn Xuân Phúc is in 1954 in die Quế Sơn-distrik in die Quảng Nam-provinsie in die suide van die destydse Staat van Viëtnam gebore. Hy het tussen 1973 en 1978 ekonomiese bestuur aan die Hanoi Nasionale Ekonomiese Universiteit gestudeer. Hy is op 12 Mei 1982 aanvaar om by die Kommunistiese Party van Viëtnam aan te sluit, en het op 12 November 1983 amptelik 'n lid van die party geword.[2] Vanaf 1978 tot 1979 was hy 'n lid van die die Quảng Nam-Đà Nẵng Ekonomiese Raad. Daarna het hy tussen 1980 en 1993 verskeie poste in die Quảng Nam – Đà Nẵng People's Committee beklee. Hy het administratiewe bestuur aan die Viëtnamese Nasionale Administratiewe Akademie gestudeer.
Nguyễn Xuân Phúc se vader, Nguyễn Hiền, is in 1918 gebore en het voor 1954 vir die kommunistiese Demokratiese Republiek van Viëtnam gewerk. Hy het na die implementering van die Genève-ooreenkoms noordwaarts. Phúc, sy ma en broers en susters het in hul tuisdorp agtergebly, waar hulle by die dorpskool skoolgegaan het. Sy ma en broers en susters het in die geheim vir die Nasionale Front vir die Bevryding van Suid-Viëtnam gewerk. Sy een suster is in 1965 deur die Amerikaanse weermag en die Suid-Viëtnamese regering vermoor. 'n Jaar daarna is sy ma ook vermoor. Hy het daarna 'n rukkie saam met sy ander suster in sy tuisdorp gewoon, en is in 1967 in geheim deur die kamerade van sy ouers na die Noorde gebring.[3]
Opvoeding wysig
Phúc het die joernaal hoërskool in sy tuisdorp Quang Nam, Da Nang, bygewoon. Vanaf 1966 tot 1968 is hy na die Revolusionêre Oorlogsone en is opgelei deur die Party in die Noorde. Hy het hoërskool bygewoon en was ook die Sekretaris van die Hoërskool Jeugunie van 1968 tot 1972. Hy het op 10 Oktober 1972 sy skoolloopbaan voltooi. Hy het in 1973 na Hanoi verhuis, aan die Nasionale Ekonomie Universiteit gestudeer, aan aktiwiteite in die Jeugunie-beweging deelgeneem en as Sekretaris van die Jeugunie gedien. In 1978 het hy 'n graad in ekonomie sowel as 'n taalsertifikaat in Engels B en Russiese Letterkunde B aan die Hanoi Nasionale Ekonomie Universiteit verwerf.[4] In die vroeë 1990's het hy publieke administrasie aan die Nasionale Akademie vir Publieke Administrasie gestudeer. Hy het in 1996 ekonomiese bestuur aan die Nasionale Universiteit van Singapoer begin studeer.[4]
Politieke loopbaan wysig
Phúc was tussen 1993 en 1996 die Direkteur van Departement Beplanning en Belegging van Quang Nam-Da Nang Provinsie.
Vanaf 1997 tot 2001 was Phúc 'n permanente lid van die Provinsiale partykomitee (17de, 18de sessie); Ondervoorsitter, toe die eerste ondervoorsitter van die provinsiale Volkskomitee van Quảng Nam Provinsie en Direkteur van Nywerheidsones Bestuursraad van Quảng Nam Provinsie. Hy was 'n lid van die provinsiale vergadering (6de sessie).
Vanaf 2001 tot 2004 was hy vise-sekretaris van provinsiale partykomitee van Quảng Nam Provinsie, Voorsitter van die Volkskomitee van Quảng Nam Provinsie (termyn van 1999 – 2004). Hy was 'n lid van Viëtnam se Nasionale Vergadering (11de sessie), hoof van Quảng Nam Provinsie se lede van die Nasionale Vergadering, en 'n lid van die Komitee vir Ekonomie en Begroting van die Nasionale Vergadering (11de sessie).
In Maart 2006 is hy as adjunkhoofinspekteur van die regering aangestel. By die 10de Nasionale Partykongres is hy tot die Sentrale Komitee van die Kommunistiese Party van Viëtnam verkies. In Junie 2006 is hy as adjunksekretaris van die Partykomitee en as adjunkvoorsitter van die Regeringskantoor aangewys. In Augustus 2007 is sy aanstelling as minister van die regering van Viëtnam deur die Nasionale Vergadering goedgekeur.
Phúc was vanaf Junie 2006 tot Augustus 2007 die permanente viseminister van die regeringskantoor sowel as 'n lid van die 11de Nasionale Vergadering se Ekonomiese en Begrotingskommissie.
Phúc was tussen Augustus 2007 en Januarie 2011 die Minister in die regeringskantoor asook hoof van die Eerste Minister se Taakspan vir Administratiewe Prosedurehervorming. Hy was daarna tot Julie 2011 'n lid van die Politburo van die 11de CPV Sentrale Komitee asook minister in die regeringskantoor
Voor sy aanstelling as eerste minister van Viëtnam in April 2016 was Phúc die adjunk eerste minister vanaf Augustus 2011.[5]
Presidentskap van Viëtnam wysig
Op 5 April 2021 is Phúc deur die Nasionale Vergadering as President verkies. Hy was die enigste genomineerde kandidaat vir die rol, die eerste sittende Eerste Minister wat deur die Nasionale Vergadering tot President verkies is, en die eerste Eerste Minister wat sedert Ho Chi Minh in 1945 tot President verkies is.[6]
Op 17 Januarie 2021 het Phúc sy bedanking as president en uittredde uit die politiek aangekondig. Hy het verantwoordelikheid vir die "oortredings en skendings" deur 539 ondergeskiktes in sy regering aanvaar, te midde van 'n onderdrukking van korrupsie, wat die afdanking van twee adjunk-premiers sowel as die inhegtenisname van die minister van gesondheid Nguyễn Thanh Long ingesluit het.
Verwysings wysig
- ↑ "Nguyen Xuan Phuc elected as Vietnam's new president". www.msn.com. Besoek op 5 April 2021.
- ↑ Based on VPCP he officially joined the party on 12 May 1983 but according to this official site of BNV Geargiveer 10 Januarie 2011 op Wayback Machine on 15 November 1983.
- ↑ "Chuyện chưa kể về Thủ tướng Nguyễn Xuân Phúc". Báo giao thông (in Viëtnamees). 8 April 2016. Besoek op 5 Oktober 2020.
- ↑ 4,0 4,1 "Tiểu sử lãnh đạo - THỦ TƯỚNG CHÍNH PHỦ NGUYỄN XUÂN PHÚC".
- ↑ "Leader of Vietnam's COVID response sworn in as president". www.aljazeera.com (in Engels). Besoek op 5 April 2021.
- ↑ "Nguyen Xuan Phuc elected as Vietnam's new president". www.msn.com. Besoek op 5 April 2021.
Eksterne skakels wysig
Wikimedia Commons het meer media in die kategorie Nguyễn Xuân Phúc.
| Hierdie artikel is in sy geheel of gedeeltelik vanuit die Engelse Wikipedia vertaal. |
