Kunstekaap-teatersentrum
Die Kunstekaap-teatersentrum, algemeen bekend as die Kunstekaap, is ’n kompleks vir die uitvoerende kunste naby die Strandgebied in Kaapstad. Dit is in 1971 geopen as die Nico Malan-teatersentrum met die ballet Sylvia.
| ||
| Die Kunstekaap-teatersentrum met die Opera regs agter, die Arena voor in die middel en die Teater links. | ||
| Vorige naam | Nico Malan-teatersentrum | |
| Ander name | Kunstekaap | |
| Stad of dorp | Kaapstad | |
| Land | Suid-Afrika | |
| Geopen | 1971 | |
Die kompleks sluit in:
- Die Opera, met 1 487 sitplekke
- Die Teater, met 540 plekke
- Die Arena, met 140 plekke.
Geskiedenis
wysigDie Kaaplandse Raad vir die Uitvoerende Kunste (Kruik) is in die vroeë 1960's gestig om die uitvoerende kunste in die Kaap te bevorder. Die verskillende streekrade in die land het subsidies van die staat ontvang om optredes aan te bied en teatergeriewe te bedryf. Kruik het deur die provinsie getoer met vier geselskappe: orkes, opera, ballet en drama.
In 1971 is die Nico Malan-teatersentrum geopen as die basis van Kruik se geselskappe. Die projek is deur die Nasionale Party-administrateur van die Kaapprovinsie, dr. Johannes Nicholas Malan, begin.
Sedert 1994 moes die streekrade se verskillende geselskappe onafhanklik word. Kruik en die Nico Malan het in dié tyd swaar gedra aan hul politieke bagasie.[1] Die sentrum is in Maart 2001 hernoem na die Kunstekaap-teatersentrum, toe Kruik vervang is met die Kunstekaap-geselskap.
Die geselskap ontwikkel, mentor en bewaar Suid-Afrikaanse inheemse gebruike deur die kunste. Dit bied platforms vir die kunsvorms, kulture en tale vir voorheen benadeelde gemeenskappe. ’n Program om nuwe en gevestigde skrywers te ondersteun, bied jaarliks ’n reeks bedrywighede aan soos werksessies, voorlesings, en volskaalse produksies.
Verwysings
wysig- ↑ The Encyclopaedia of South African Theatre, Film, Media and Performance URL besoek op 23 Februarie 2013