Nico Smit
Nico Smit (* 20 Oktober 1971– ) is ’n Afrikaanse wetenskapfiksie skrywer wat reeds die eerste van sy "Jagter Kronieke"-reeks, Die halfbloed, bekend gestel het.
Agtergrond en opvoeding
wysigSmit word op 20 Oktober 1971 as enigste kind van Nicol en Elmien Smit in die dorp Citrusdal in die Wes-Kaap gebore. In 1989 matrikuleer Nico aan Citrusdal Hoërskool, wat in daardie tyd ’n volle 350 leerlingtal gehad het, klein maar gereken as een van die beste skole in die streek.
Na sy hoërskoolloopbaan begin Nico studeer en behaal in 1993 sy Nasionale Diploma in Menslike hulpbron-bestuur aan die Kaapse Technikon. Daarna behaal hy nog ’n Nasionale Diploma in Finansiële Rekeningkunde aan die Instituut van Administrasie en Handel in Kaapstad. Hy besluit in om internasionaal uit te reik en slaag sy internasionale eksamen as Gesertifiseerde Staatsouditeur in 2008.
Smit se professionele werksloopbaan begin in Junie 2003 by die Munisipaliteit van Cederberg as senior Interne Ouditeur, waar hy ook Julie 2007–2008 as waarnemende Bestuurder Tesouriedienste dien. Intussen voltooi hy ’n gesertifiseerde kursus aan die Universiteit van Stellenbosch in Munisipale Finansiële Bestuur.
In Desember 2008 neem Nico ’n kort verposing by die Cederberg Munisipaliteit en begin werk as Finansiële Deskundige en Konsultant vir munisipaliteite aan die Weskus by die DBSA (Ontwikkelingsbank van Suidelike Afrika), waar hy verantwoordelik is vir die beheer en bestuur van verskeie finansiële projekte by munisipaliteite; insluitende Cederberg, Bergrivier, Saldanhabaai en Matzikama.
April 2011 keer Smit terug na die Cederberg Munisipaliteit waar hy as Bestuurder: Interne Ouditeurseenheid aangestel word. In Februarie 2013 word hy bevorder tot Bestuurder: Tesourieafdeling, waar hy steeds werksaam is.
Nico en sy vrou Coleen woon in Clanwilliam met hulle twee seuns, Drian en Hanré.
Werk
wysigCederberg Munisipaliteit: Bestuurder, Tesouriedienste.
Nico Smit dien ook al vir die afgelope sowat 18 jaar in die plaaslike regering.
Hy behartig ook sy eie klein rekenmeesterspraktyk, genaamd Accounting MAN cc, in Clanwilliam.
Skryfwerk
wysigAs enigste kind en geen televisie totdat hy in standerd twee was nie, was baie lees en Nico se verbeeldingswêreld sy enigste vermaak. Dit is dan ook hierdie verbeeldingswêreld wat maar altyd in sy agterkop bly draai het wat aanleiding gegee het tot die skryf van die Jagter Kronieke, wat Nico se eerste skryfpogings was. Daarna skryf hy nog 3 fiksie verhale.
Nico is tans besig met die skryf van die Jagter Kronieke, ’n reeks wat (volgens plan) uit 5 boeke sal bestaan. Die eerste boek van die reeks, Die Halfbloed, is pas deur Thompson Boekdrukkery bekend gestel.
Verwysings
wysig- www.thompsonboeke.com