Nikolaevsk, Alaska

Nikolaevsk (Russies: Никола́евск [nʲɪkɐˈɫa(j)ɪfsk]) is 'n nedersetting op die Amerikaanse deelstaat Alaska se Kenai-skiereiland wat in 1968 deur 'n gemeenskap Russiessprekende Ougelowiges, bestaande uit vier families, as die eindpunt van 'n lang odyssee deur Siberië, China, Brasilië en die deelstaat Oregon gestig is nadat hulle hier grond aangekoop het.[1] Baie inwoners het hulle as kommersiële vissers bekwaam en hul eie bote gebou, terwyl ander besighede op die skiereiland of elders in Alaska gevestig het.

Die bevolking is volgens die sensus van 2010 op 318 beraam. Russies as huistaal word net soos die tradisionele leefstyl deur die proses van verengelsing en aanpassing by die Amerikaanse hoofstroomkultuur bedreig wat veral by die jonger generasie waargeneem word.[2]

VerwysingsWysig

Eksterne skakelsWysig

Agtergrondinligting

Media