Nissan Altima
Die Nissan Altima (Japannees: 日産・アルティマ) is 'n mediumgrootte motor wat deur Nissan vervaardig word, en is 'n voortsetting van die Nissan Bluebird-lyn, wat in 1957 begin is. Dit is die nommer 1-verkoper Nissanmodel. Die Altima kompeteer hoofsaaklik in die hoofstroom mediumgrootte sedanklas in Amerika teen sy vernaamste mededingers, die Toyota Camry en die Honda Accord, en was die tweede beste motorverkoper in die Verenigde State in 2011.
_Mar_2013.jpg) 2013 Nissan Altima 2.5 SV | |
| Oorsig | |
|---|---|
| Vervaardiger | Nissan |
| Produksie | 1992–huidig |
| Bakwerk en onderstel | |
| Klas | Kompakte motor (1993–2001) Mediumgroot (2002–huidig) |
| Uitleg | Voorenjin, voorwieldryf |
| Plek in geskiedenis | |
| Voorganger | Nissan Stanza Nissan Bluebird |
| Variante | Nissan Maxima Nissan Teana |
Dit is histories groter, kragtiger en luukser as die Nissan Sentra, maar kleiner as die Nissan Maxima. Die Altima is uitsluitlik in die Verenigde State van Amerika vervaardig en amptelik verkoop in Noord- en Suid-Amerika, die Midde-Ooste en Australië. In ander markte bied Nissan 'n verwante mediumgrootte sedan genaamd die Nissan Teana wat tussen die Altima en die Maxima inpas in terme van grootte.
Die veelgekritiseerde Stanza is deur Nissan met die Amerikaansgeboude Altima vervang, ook 'n kompakte motor. Dit het ook die Bluebird vervang. Die eerste Altima het op 15 November 1992 van die monteerlyn afgerol, as 'n 1993 model. Alle Altimas is in Smirna, Tennessee gebou tot Junie 2004, toe bykomende Altimas deur die Nissanaanleg in Canton, Mississippi geproduseer is om aan die hoë vraag te voldoen.
| Hierdie artikel is in sy geheel of gedeeltelik vanuit die Engelse Wikipedia vertaal. |
