Sir Noël Coward (1899–1973) was ’n Britse akteur, sanger en skrywer van liedjies en toneelstukke. Hy was bekend vir sy flambojante persoonlikheid en komiese stukke, soos Private Lives en Blithe Spirit, en sy komiese liedjie Mad Dogs and Englishmen.[1]

Noël Coward
Noel Coward Allan warren.jpg
Noël Coward in 1972.
Gebore
Noël Peirce Coward

16 Desember 1899
Sterf26 Maart 1973
NasionaliteitVerenigde Koninkryk
BeroepAkteur, toneelskrywer, regisseur en komponis
Jare aktief1922–1973

LewensloopWysig

 
Coward in sy tienerjare

Noël Peirce Coward is op 16 Desember 1899 in Teddington in die Verenigde Koninkryk gebore. As kind woon 'n dansakademie in Londen by en maak sy verhoogdebuut op elf. Hy begin in sy tienerjare om dramas te skryf en het uiteindelik meer as 50 toneelstukke gepubliseer. Hy het ook honderde liedjies gekomponeer en meer as 'n dosyn musikale teaterstukke gelewer.

Tydens die Tweede Wêreldoorlog het Coward vrywillig by die Britse propagandakantoor in Parys gewerk. Hy was ook by die Geheime Diens betrokke en het sy invloed probeer gebruik om die Amerikaanse publiek en regering te oorreed om Brittanje te help.

Coward is in 1969 tot ridder geslaan en ontvang in 1972 'n eredoktorsgraad van die Universiteit van Sussex.[2] Hy het ook 'n Tony-prys vir sy lewenslange bydrae ontvang.[3] Die voormalige Albery-teater (oorspronklik die New Theatre) in Londen is in 2006 in sy eer na die Noël Coward Teater vernoem.

Coward is op 26 Maart 1973 aan 'n hartaanval in Blue Harbor, Jamaica oorlede. Hy was 73 jaar oud.[4]

ToneelstukkeWysig

 
Coward met Norman Hackforth op klavier tydens 'n optrede in 1944.
  • The Better Half (1922)
  • The Queen was in the Parlour (1922)
  • The Vortex (1924)
  • Hay Fever (1925)
  • Easy Virtue (1925)
  • This Was a Man (1926)
  • Private Lives (1930)
  • Cavalcade (1931)
  • Design For Living (1933)
  • Tonight at 8:30 (1935–1936)
  • Present Laughter (1939)
  • This Happy Breed (1939)
  • Blithe Spirit (1941)
  • Peace in Our Time (1947)
  • South Sea Bubble (1951)
  • Quadrille (1952)
  • Nude with Violin (1956)
  • Look After Lulu! (1959)
  • Waiting in the Wings (1960)

Musiekblyspele en revuesWysig

  • London Calling! (1922)
  • On With The Dance (1924)
  • This Year Of Grace (1927)
  • Bitter Sweet (1928)
  • Words And Music (1932)
  • Conversation Piece (1933)
  • Operette (1937)
  • Set to Music (1939)
  • Sigh No More (1945)
  • Pacific 1860 (1946)
  • Ace Of Clubs (1949)
  • After The Ball (1953)
  • Sail Away (1959)
  • The Girl Who Came To Supper (1963)

VerwysingsWysig

  1. HAT Taal-en-feitegids, Pearson, Desember 2013, ISBN 978-1-77578-243-8
  2. "Coward, Sir Noël", Who Was Who, A & C Black, 1920–2008; online edition, Oxford University Press, Desember 2007, besoek op 12 Maart 2009.
  3. "Chronology", The Noël Coward Society], Mei 2001, besoek op 27 Augustus 2008
  4. "Obituary: Sir Noel Coward", The Times, 27 Maart 1973, p. 18

Eksterne skakelsWysig